Mika 6:9 - Ghari

⁹ E dou sosongo bâ na kukuni taniana na Taovia. Na Taovia e goko vanigira na tinoni ni Jerusalem me tsarivaganana iani, “!Kamu rorongo igamu na tinoni amu saikolu mai i laona na verabau!

Mika 6:9 Referans Kwoze

Na Katemai 3:19

Inau au dona kau totosasaga vanigira, ma kau kedegira igira sui au galuvegira. Vaga ia, ma kamu madodo ma kamu piloligi tanigira nimui sasi.

Sepania 3:2

Aia e tau saikesa rongomangana na Taovia me ke muria nina totosasaga. Me tau goto vataraginia nina vainoru i konina na Taovia se ke nongi sasanga i konina.

Hosea 14:9

Asei ti vaga ke sasaga, maia sauba ke padagadovia na omea ara totu tana papi iani, me ke puku kalavatavia i tobana. Nina omeomea na Taovia ara gotolaka sui, migira na tinoni e gotolaka niqira sasaga ara mauri murigira. Migira moa na tinoni sasi ara tubulagi mara puka rongona ara tau nogo gini boeginigira.

Isaia 30:27

!Reia bâ! Na Taovia e maimai ao kolu susuligana ma na mararana loki. Me momosa sosongo tobana, ma na lake ma na pungu ara ka sauvulagia na korena. Mi kalina aia e goko, ma nina tsaqina goko ara irudato vaga moa na lake.

Mika 3:12

Bâ, mi tana rongona nogo nimui sasi igamu na tagaovera, ma na manetabu, ma na propete, ti God sauba ke toroutsania na vera ni Jerusalem, me ke lia na tsupu na kutso. Ma na Vungavunga Sion ke lia na kao lê ma kara aqo uta i konina. Ma na tetena i tana e totu na Vale Tabu sauba ke lia na goana atsi.

Amos 6:1

!Sauba ke seko sosongo rago vanigamu igamu amu tamanina na mauri lakagana i Sion, me vanigamu goto igamu amu padâ laka amu totu raviravi dou lê i Samaria, igamu na tinoni lokiloki ni Israel, igamu nogo igira na tinoni ara norugamu laka kamu sangagira!

Amos 2:5

Me vaga ia, minau sauba kau mololakena na kao ni Juda, ma kau tungigira goto na valekakai ni Jerusalem ara barapoliginia na vatu.”

Hosea 13:16

Nina aqo nomoa na Samaria ke gadovikede rongona e sove taniau inau. Igira nina tinoni sauba kara mate tana vailabu. Migira na baka tetelo sauba kara tsoni rapasigira tana kao, ma kara toba ovagira na daki titiana.”

Jeremia 26:18

“Kalina a Hesekia e taovia tsapakae tana Juda, maia Mika na propete ni Moreset e tsarivanigira na tinoni sui laka na Taovia Susuliga Sosongo e tsaria na goko vaga iani, ‘Na Sion sauba kara qari atsania vaga moa ti na uta, ma na Jerusalem sauba ke toroutsa popono me ke vaga moa ti na tsupu na kutso, ma na tetena i tana e totu na Vale Tabu sauba ke vaga moa ti na goana atsi.’

Jeremia 26:6

Me ti vaga igamu kamu petsakoe babâ moa, mi tana inau sauba kau nauvania na Vale Tabu iani na omea vaga au nauvania i Silo, me pipi sui na puku tana barangengo kara gini aqo na soana na verabau ni Jerusalem gana na vealagi.”

Isaia 66:6

!Kamu rorongo! !Aia na leleo loki amu rongomia i laona na verabau, ma na tatangina na liona kesa i laona na Vale Tabu, aia nogoria na tatangina na liona na Taovia e kedegira gana gala!

Isaia 27:10

Na verabau iani ara barapoliginia na vatu i sau, e totu mangu lê vaga moa na moru atsi me lia nogo niqira nauna na mani tsaro ma na mutsamutsa igira na buluka.

Isaia 26:11

Igira gamu gala ara tau donaginia laka igoe o saukaenogoa na limamu agana na mani kedeginiaqira. Taovia ko paluvangamaqira, mo ko molovanigira kara vatsangia na rotana na kede igoe o vangaraunogoa vanigira. Mo ko saumakaligotoa vanigira laka igoe o galuve sosongoligira nimu tinoni.

Isaia 9:13

Migira na tinoni ni Israel ara tau vati piloligi tania niqira sasi. Me atsa moa ti na Taovia Susuliga Sosongo e kedegira, migira ara tau moa vati visumai i konina aia.

Goko Tabana 22:3

Igira na tinoni sasaga ara reigadovia kalina e maimai na omea seko mara tovoa na tsidavaginiana, maia e vo papada sauba ke liu saviliu bâ i laona, mi muri moa ti aia ke padasavi.

Linge 107:43

Igamu na tinoni amu sasaga, e dou kamu padatugutugugira na omea girani, ma kamu katevulagia laka nina galuve na Taovia e vo oli.

Linge 83:18

Mi tana ti kara gini donaginia laka igoe segeni moa o Taovia, mo taovia loki tsapakae kaputia na barangengo popono.

Linge 48:10

Migira sui na tinoni pipi tana nauna sui ara tsonikaego igoe, ma gamu tangirongo e liuvia na barangengo popono. Igoe o gini tagao na pedegoto.

Linge 9:16

Na Taovia e sauvulagi segenina tana nina pede gotolaka, migira na tinoni vanga tsutsukibo ara sogo i laona niqira aqo seko igira segeni nogo ara naua.

Nina Papi A Job 10:2

God, inau au nongigo ko laka goto na kedeaqu lê. Ko tsarimaidou vaniau laka na kibo gua au tsukia inau.

Nina Papi A Job 5:17

“!Ke mage aia na tinoni God e totosasaga vania! Me vaga ia, migoe ko laka na gini momosatoba kalina God Susuliga Sosongo ke totosasaga vanigo.

2 Samuel 21:1

Mi tana tagu e taovia tsapakae a David e liu na uvirau seko sosongo i laona e tolu na ngalitupa popono. Ma David e tû me veisuâ na Taovia tana rongona na omea vaga ia e laba. Ma na Taovia e tsarivania, “Aia Saul migira nina tamadale ara gini loaga na labumate; igira nogo ara labumatesigira na tinoni ni Gibeon.”

Jeremia 47:7

?Me ke gua ti ke mango niqu isi kalina inau au molo aqo vania? Inau nogo au ketsaliginia ke ba labugira na Askelon, migira sui goto na tinoni ara totu liligina tasi.”

Mika 6:8

Tagara saikesa. Na Taovia e tsarivulagi vanigita nogo na omea ara dou i matana. Ma na omea e kilia igita ka naua e vaga iani: ka naua moa na omea e gotolaka, ka galuvegira na tinoni sui, ka totu palatsuna, ma ka mauri tobasai koluana nida God.

Mika 6:10

I laona na valeqira na tinoni vanga tsutsukibo ara totu danga na omea loki matena ara komigira. Migira kalina ara tû na tsabiri omea mara gini aqo na tovo mamava peropero. Na vatana na sasaga vaga iani inau au reisavi sosongolia.

Nina Papi A Job 23:14

Aia sauba ke manalia nomoa na omea e pedemanogati vaniau nogo; mara danga sosongo goto na omea aia e padâ na nauaqira.

Esekiel 7:9

Me utu saikesa goto kau gaegamu se kau galuvegamu. Niqu aqo nomoa kau kedegamu tana rongoqira na omea marasibiga amu naugira, mi tana ti sauba kamu donaginia laka inau nogo na Taovia au kedegamu.”