Mika 6:3 - Ghari

³ Na Taovia e tsaria, “?Igamu niqu tinoni laka nagua sagata au nausekoli vanigamu inau? ?Me laka na kalagai mamava koegua inau au ngoliginigamu? Kamu tsarivisumai vaniau.

Mika 6:3 Referans Kwoze

Jeremia 2:5

Aia na Taovia e tsaria; “?Laka nagua seko ara keligini vaniau inau igira na mumuamui? ?Me laka nagua e laba te ara piloligi taniau? Igira ara ba samasama vanigira na titinonina na god peropero tagara rongona, mara gini lia goto na tinoni tagara rongona lê.

Linge 81:13

!Ti vaga niqu tinoni kara rongomiau moa inau; ma kara naua na omea inau au ketsaligira kara naua!

Jeremia 2:31

Igamu na tinoni ni Israel, kamu rongomia na omea inau au tsaria. ?Egua laka inau au seko vanigamu igamu vaga moa ti na kaomate, se na kao e rodo pulipuli? ?Laka egua ti amu tsaria, ‘Igami ami padangaoa moa na muriana na tobamami segeni. Me utu goto kami visutugua i konimu igoe?

Linge 50:7

Ma God e tsaria, “Rorongo mai igamu niqu tinoni, minau kau goko vanigamu; sauba kau kateli vanigamu igamu na Israel. Inau nogo God nimui God.

Roma 3:19

Migita a dona laka pipi sui na omea ara totu tana Ketsa, e ngoligira na muriana igira ara vataragi tana Ketsa. Na Ketsa e totu gana na tukapusiana pipi vata niqira televolevo na tinoni, rongona na tinoni sui tana barangengo popono ara sasi i matana God.

Mika 6:5

Migamu niqu tinoni kamu padatugua na omea aia Balak na taovia tsapakae ni Moab e vorogokona na nauvaniamui, ma na omea a Balaam na dalena a Beor e tsarivania. Ma kamu padatugugotoa na omea sui ara laba vanigamu i sautu kalina amu mololea i Akasia mamu vano kalea i Gilgal. Ti vaga kamu padatugugira na omea sui girani, me sauba kamu reigadovia na omea sui au naua inau agana kau laumaurisiginigamu.”

Linge 81:8

Igamu niqu tinoni, kamu rongomia niqu goko parovata. !Igamu na Israel, ti vaga kamu tami moa kiki na rongomiaqu!

Linge 51:4

Taovia inau au sasi vanigo, igoe segeni moa au sasi vanigo, mau naua na omea e seko i matamu. Vaga ia, me ulagamu nomoa igoe ko pedeau inau; mo naudoua nomoa igoe kalina o kedeau.

Isaia 5:4

?Laka sa omea ngatsu inau au tau naudoua te e gini tau dou niqu uta? ?Megua te e tau molo vuana dou vaga au amesia inau, me molo vuana vavai moa?