Mika 6:2 - Ghari

² Igamu na vungavunga, migamu goto na papakana kalavata na qoae taligu, kamu rongomi vatavidoua na omea na Taovia ke adilabatigira tana tinete. Na Taovia e vangaraunogoa na omea ke kateli vanigira nina tinoni. Me sauba nomoa ke taimataqira na Israel.

Mika 6:2 Referans Kwoze

Hosea 12:2

Eo, na Taovia e vangaraua ke taimataqira na tinoni ni Juda. Me ke kedegotoa na Israel tana rongona niqira omeomea nina tinoni.

Hosea 4:1

Na Taovia e ngaoa ke taimataqira na tinoni ara totu i laona na kao iani. Rorongo dou igamu na Israel tana omea God e tsaria: “I laona na kao popono iani na tinoni ara tau dona na tobasai ma na vaigaluvegi, mara tau goto reigadovia laka inau nogo niqira God.

Isaia 1:18

“Bâ, mi kalina ia, e dou ti ka tinetea na omea iani. Atsa moa ti kara danga nimui sasi, vaga moa na polo sere e liasigabu, minau na Taovia au tsaria laka sauba kau vulimalegamu ma kamu sere maka vaga na snou.

Linge 104:5

Igoe o vaturikakaia na barangengo, me utu goto ke ratsu bamai.

2 Samuel 22:16

Na pakokana na mao rodo e mamatsa kuti lê, ma na papakana na barangengo e totu labalaba lê kalina aia na Taovia e taimataqira gana gala, me goraragira tana nina kore loki.

Na Vaolusi Ketsa 32:22

Na korequ sauba ke irudato vaga na lake me ke iruvigira pipi sui na omea tana barangengo. Me ke tsau bâ tana barangengo na mate me ke ganigira na lamuqira na vungavunga.

Jeremia 31:37

Me ti vaga kesa dani kara tangomana na tovoana na katsina na masaoka, ma na liuvi tovuana na papakana na barangengo, mi tana moa ti inau kau sove tanigira na tinoni ni Israel tana rongona na omea tabaruga sui ara naugira. Inau nogo na Taovia au tsaria na omea iani.”

Jeremia 25:31

ma na tatangina nina goko ke ileile bâ tsau tana susuina na barangengo. Na Taovia sauba ke pedegira na puku sui, me ke matesigira sui na vanga tsutsukibo. Na Taovia nogo e tsaria na omea iani.’ ”

Jeremia 2:9

“Me vaga ia, minau na Taovia sauba kau taimataqira tugua niqu tinoni, ma kau kedegira goto na kukuaqira.

Isaia 43:26

“Ida ma ka vano tana tinete. Kamu vangaraudougira nimui goko amu ngaoa na tsariana. Kamu isutugumui segeni gana ke gini labamaka laka igamu amu tau sasi.

Isaia 5:3

Me vaga ia ma na kulaqu e tsaria, “Inau au nongigamu igamu na tinoni amu totu i Jerusalem mi tana Juda, kamu votamai vaniau laka asei e sasi, inau, se aia niqu uta na uaeni.

Goko Tabana 8:29

me moloketsa vania na mao na tasi ke tau nusudato liusia i tana aia e titivania ke vosa. Au totu nogo i tana inau, ti aia e pakaa na tsutsuvatuna na barangengo.

2 Samuel 22:8

!Mi tana, ma na barangengo e kakanu me olaola takuti; ma na pukuqira na masaoka ara viri kakasisi rongona God e kore loki sosongo!

Na Vaolusi Ketsa 4:26

Inau au soakaira na baragata ma na barangengo kara ka sanga na rongo vataviana na goko inau au naua i dani eni. Me ti vaga igamu kamu petsakoe, me sauba ke tau lelê oka ma kamu nangaligi lê tania na kao ia. Sauba kamu tau mauri oka tana kao i tabana bâ na Kô Jordan aia e varangi nogo kamu ba totuvia. Igamu sauba kamu nangaligi lê saikesa.

Isaia 3:13

Na Taovia e totu nogo tana nina sasana na pede; maia e vangaraunogoa na pedeaqira nina tinoni.

Mika 6:1

Kamu rongomia nina gogoko na Taovia e kalegira na tinoni ni Israel. Taovia, ko tû mo ko adilabatigira nimu gogoko, ma kara rorongo igira na vungavunga ma na tetena.

Hosea 12:3

Aia Jakob na mumuaqira e tovoa ke sugutia a Esau na kulana batso kalina kaira ara ka totu moa i laona na tobana ka tinaqira. Mi kalina a Jakob e lokimai, maia e vailabu kolua God. E vailabu kolua kesa na angelo me tuliusia. Mi muri, maia e ngangai me nongia God ke tabua. Mi Betel God e mailaba i konina a Jakob me goko kolua.