Mika 6:1 - Ghari

¹ Kamu rongomia nina gogoko na Taovia e kalegira na tinoni ni Israel. Taovia, ko tû mo ko adilabatigira nimu gogoko, ma kara rorongo igira na vungavunga ma na tetena.

Mika 6:1 Referans Kwoze

Jeremia 22:29

!Are kiki igoe na kao, na kao, na kao! Ko rongomia na omea e tsarinogoa na Taovia:

Na Vaolusi Ketsa 32:1

“Kagamu na barangengo ma na masaoka, kamu ka rongomia niqu tsaqina goko, kamu ka rongomi vatavidoua na omea kau tsaria.

Mika 1:2

Kamu rongomia na omea iani igamu na tinoni sui. Eo, igamu sui amu mauri tana barangengo kamu rorongo mai. Aia nogo na Taovia God sauba ke taimatamui. !Kamu rorongovata! Aia e totu tana valena tabu i gotu i baragata me gokomai vanigamu.

Esekiel 36:1

Ma na Taovia e tsaria, “Dalena tinoni igoe, ko goko vanigira na vungavunga tana Israel mo ko tsarivanigira kara rongomia na turupatu iani

Linge 50:4

Aia e soakaira na gotu ma na lao kara ka mai reia kalina aia ke pedevotagira nina tinoni.

Na Vaolusi Ketsa 4:26

Inau au soakaira na baragata ma na barangengo kara ka sanga na rongo vataviana na goko inau au naua i dani eni. Me ti vaga igamu kamu petsakoe, me sauba ke tau lelê oka ma kamu nangaligi lê tania na kao ia. Sauba kamu tau mauri oka tana kao i tabana bâ na Kô Jordan aia e varangi nogo kamu ba totuvia. Igamu sauba kamu nangaligi lê saikesa.

Esekiel 36:8

Migamu na vungavunga ni Israel nimui gai sauba kara dato varimauri doutugua, ma kara latsu vaolu na rauqira, ma kara molo vuaqira danga vanigira niqu tinoni. Eo, e varangi sosongo nogo kara visumaitugua tana veraqira igira niqu tinoni ni Israel.

Isaia 1:2

Na Taovia e tsaria, “!Kagamu na barangengo ma na masaoka kamu ka rongomia na omea inau au tsaria! Igira nogoa na baka inau au lokisigira ara tû mara sove taniau inau.

Luka 19:40

Ma Iesu e tsarivanigira, “Au tsariivaniigamu, ti vaga igira kara mui, me sauba igira na vatu sui ara totu ieni kara tuturiga na gugu loki.”

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.

Mika 1:4

Migira na vungavunga sauba kara viri rono lê sui i vavana na tuana aia, vaga moa na kadele kalina ara moloa tana lake, me sauba kara viri nara bamai tana poi popono, vaga moa na kô e sarara tsuna talu i kelana na tetena.

Esekiel 37:4

Maia e tsarivaniau, “Inau au ngaoa ko katevulagia niqu goko vanigira na suli girani. Mo ko tsarivanigira kara rongomia na gokona na Taovia.

Jeremia 13:15

!Igamu na tinoni ni Israel, na Taovia e goko nogo vanigamu! Nimui aqo kamu molotsunali segenimui ma kamu rongomia na omea aia e tsaria.

Amos 3:1

Igamu na tinoni ni Israel, kamu rongomi vatavia na goko iani aia na Taovia e tsaria tana rongomui igamu, igamu na tinoni popono aia e adirutsumigamu tania na Ejipt.

1 Samuel 15:16

Ma Samuel e ketsalia a Saul, “Ko mui, minau kau tsarivanigo nina goko na Taovia e tsarivaniau nogo i bongi.” Ma Saul e tsaria, “E dou. Ko tsarivaniau.”

1 Samuel 12:7

Mi kalina ia, ma kamu totu dodo moa, minau kau goko matamui i matana na Taovia, ma kau kateli vanigamu tana rongona nina aqo loki aia na Taovia e naugira, gana aia ke maurisiginigamu migira goto na mumuamui.

Mika 5:15

Mi tana niqu momosatoba loki, sauba inau kau tangotuguqu i laoqira pipi sui na puku ara tau rongomangaqu.”

Mika 6:2

Igamu na vungavunga, migamu goto na papakana kalavata na qoae taligu, kamu rongomi vatavidoua na omea na Taovia ke adilabatigira tana tinete. Na Taovia e vangaraunogoa na omea ke kateli vanigira nina tinoni. Me sauba nomoa ke taimataqira na Israel.

Isaia 3:13

Na Taovia e totu nogo tana nina sasana na pede; maia e vangaraunogoa na pedeaqira nina tinoni.

Esekiel 6:3

Ko tû mo ko tsarivanigira na vungavunga sui tana Israel kara rongomia na omea inau na Taovia God au tsarivanigira na vungavunga, ma na tetena, ma na poiatsa, laka inau sauba kau molomaigira na gala kara toroutsanigira pipi sui lakalaka na nauna i tana na tinoni ara vano na samasama vaniaqira na god peropero.