Mika 5:9 - Ghari

⁹ Migira na Israel sauba kara tuliusigira gaqira gala ma kara matesiligigira sui.

Mika 5:9 Referans Kwoze

Isaia 26:11

Igira gamu gala ara tau donaginia laka igoe o saukaenogoa na limamu agana na mani kedeginiaqira. Taovia ko paluvangamaqira, mo ko molovanigira kara vatsangia na rotana na kede igoe o vangaraunogoa vanigira. Mo ko saumakaligotoa vanigira laka igoe o galuve sosongoligira nimu tinoni.

Linge 21:8

Na taovia tsapakae sauba ke tû me ke tangoligira sui gana gala. Eo, sauba ke tangoligira sui lakalaka igira ara tobaseko vania.

Isaia 11:14

Sauba kara sai alaala ma kara baginigira na Pilistia tabana i tasi, ma kara laua niqira omea sui igira ara totu i longa. Me sauba kara tuliusigira goto na Edom ma na Moab. Migira na tinoni ni Amon sauba kara rongomangaqira.

Linge 10:12

!Taovia ko tû mo ko kedegira na tinoni vanga tsutsukibo girani! !Laka na padaleaqira igira ara rota!

1 Korint 15:25

Rongona a Iesu Kristo nogo nina aqo ke tagao kalavata, poi ke tsau kalina God ke labu pukaligira sui gana gala, me ke livugira i limana aia.

Luka 19:27

!Mi kalina ia, kamu adimaigira ieni gaqu gala inau, igira ara tau reingaoa laka inau kau lia gaqira taovia tsapakae, mieni kamu labumatesigira i mataqu!’ ”

Isaia 37:36

Mi tana bongi nogo ia, me kesa nina angelo na Taovia e vano tana nauna i tana ara vaturikaegira niqira valepolo igira na Asiria, me labumatesigira ara 185,000 niqira mane vaumate. !Mi tana matsaraka rovorovo na dani ngana, ma na koniqira ara viri tsaro uluvaileqo, migira sui lakalaka ara matepitsu nogo!

Isaia 33:10

Na Taovia e goko vanigira na puku sui me tsaria, “Mi kalina ia inau sauba kau tû ma kau sauvulagi vanigamu na susuligaqu loki, migamu sauba kamu tsonikaeginiau.

Isaia 1:25

Inau nogo sauba kau rotasigo igoe, ti ke gini gotodoutugua nimu sasaga. Eo, sauba kau malesigo vaga moa kalina ara moloa na siliva i laona na lake romaroma gana na malesiligi taniana pipi na bauna.

Linge 106:26

Te e tû na Taovia, me vatsa vanigira laka aia ke matesigira lê i laona na kaomate,

Hagai 2:22

ma kau pukalia gaqira susuliga na taovia tsapakae sui, ma kau kovoraginia niqira terê kolugira na mane ara tagaovigira; migira niqira ose sauba kara viri mate lê, migira ara sagekae i kelaqira sauba kara vaimatesigi segeni.

Sekaria 9:10

Ma na Taovia e tsaria, “Inau sauba kau adiligi tanigira niqira terê na vailabu igira na Israel, ma niqira ose igira na Jerusalem; ma kau biru putsia niqira parige ara gini vanavana tana vailabu. Ma nimui taovia tsapakae sauba ke moloa na rago i laoqira na puku sui; maia sauba ke tagaovi kaputigira na vera sui tû kesa tabana na tasi loki me tsau bâ kesa tabana, me tû tana Kô Euprates, me tsau bâ tana susuina na barangengo.”