Mika 1:8 - Ghari

⁸ Mi tana, maia Mika e tsaria, “Mi tana rongona nogo na omea iani, ti inau sauba kau ngangai ma kau tangitangi. Ma na mani sauvulagiana niqu rota, sauba kau gini vanovano na perana tuaqu lê ma kau malaiole. Ma kau kokongo vaga moa na pai atsi, ma kau tatangi vaga moa na tsou.

Mika 1:8 Referans Kwoze

Isaia 22:4

Aia nogoria na rongona ti au tsaria, “Kamu mololeau inau ma kau tangisigira igira niqu tinoni ara mate. Ma kamu laka goto tovoa na vereaqu.”

Jeremia 9:19

Migira ara totu i Sion ara tangitangi mara tsaria, “!Igita a seko pitsu nogo! !Ara paluvangamada saikesa! Ma nida aqo nomoa ka vanoligi tania nida kao; ara vui pukaligira sui nogo na valeda i tana igita a totu.”

Jeremia 9:10

Minau a Jeremia au tû mau tsaria, “Sauba kau tangisigira na vungavunga, ma kau ngangaisigira na butona kao i tana e dato dou na buruburu, rongona ara viri makede takuti, me tagara goto ke kesa ke liu i laoqira. Ma na tatangina niqira kanga na buluka ara tau nogo rongomia i tana; migira na manu ma na omea tuavati atsi ara tsogoligi sui taninogoa.”

Jeremia 9:1

Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.

Jeremia 4:19

!Au vatsangi savi sosongo, me utu na taberaeana niqu vatsangisavi! !Na kosuqu e bubutu kesa! Me gini utu vaniau kau totu mui kalina au rongomigira na tavuli ma na gugu na vailabu.

Isaia 21:3

Ma na omea inau au rongomia mau reia tana moro ia e naua me gini laba vaniau na matagu loki ma na vatsangi savi, aia na vatsangi savi vaga e laba vania na daki kalina e vatsangia na dalena.

Isaia 16:9

Aia nogoria na rongona ti inau au tangisia na verabau ni Jaser, mau tangisigotoa na itai na uaeni ni Sibma. Na kô na mataqu e rô ka mateqira na Hesbon ma na Eleale, rongona e tagara koniqira sa uta ke raranga gana kara gini mage na tinoni.

Isaia 13:21

Me sauba ke totu mangu lê, migira moa na omea tuavati atsi kara totuvia, ma na tei kara logo binuqira tana valena. Migira goto na tsou sauba kara ba mauri i tana, ma na naniqoti atsi kara tsipu bamai tana toroutsana na verabau ia.

Linge 102:6

Mau vaga moa na manu atsi i laona na kaomate, mau vaga moa goto na tei e totu i laona na vera mangu ara vanotaninogoa.

Nina Papi A Job 30:29

Tana niqu rota loki inau au ngangai vaga moa ti na pai atsi se na tsou.

1 Samuel 19:24

Me tsoraligia na polona me gavai me gokodato tana asana na Taovia i matana a Samuel, me tsaro malaiole tana dani popono ma na bongi popono. Iani nogo e vaga na pukuna na gokolia ara tsaria, “?Me laka e lia goto na propete a Saul?”

Isaia 13:22

Me sauba ke tangi moa na ileilena niqira kanga na pai atsi i laoqira na kusudato ma na valeqira na taovia tsapakae. !Eo, nina tagu na toroutsa na Babilon e labamai nogo! !Me sauba ke tau oka me ke sui saikesa vania!”

Isaia 32:11

Igamu amu totu dou rago tsau mai i dani eni, me tau goto ngoligamu sa omea, bâ, me tuturiga nogo kalina ia kamu gagariri tana matagu. Kamu tsoraligia na polomui dou, ma kamu sori bâ moa na polo tataratsi tana bungumui.

Esekiel 32:18

“Dalena tinoni igoe, ko tangitangi mateqira na tinoni danga ni Ejipt. Ko tsonitsunagira kolugira na puku loki tavosi ara totu nogo tana barangengo na mate.

Mika 2:4

Mi kalina ke laba na tagu vaga ia, migira na tinoni tavosi sauba kara gini goko gamui, ma kara tê gamui linge na tangitangi rongona e tagara lê vanigamu nogo, ma kara tsaria: !Igami ami seko pitsu sui nogo! Na Taovia e adiligi tanigami nogo nimami kao, Me tusuvanigira igira ara raqa tsekagami.”

2 Taovia Tsapakae 18:13

Mi tana sangavulu vatinina ngalitupa nina aqotagao a Hesekia, maia Senakerib na taovia tsapakae ni Asiria e baginigira na verabau sui tana Juda ara barapoliginia na vatu me tangoligira.

Esta 4:1

Mi kalina a Mordekai e rongomia na omea e laba, maia e ratsia na polona tana melu, me sagelia na polo baubau papadana na melu, me ulia na tora tana lovana me ngangai loki sosongo, me liu i laona na verabau popono,