Mika 1:3 - Ghari

³ Na Taovia sauba ke mololea na valena tabu, me ke tsunamai me ke liu bamai i kelaqira na vungavunga.

Mika 1:3 Referans Kwoze

Amos 4:13

Aia God nogo e aqosigira na vungavunga me moloa na guguri. Maia e tamivanigira na tinoni kara donaginia nina papada; me olia na dani me lia na bongi. Maia e vanovano i kelana na barangengo. !Miani nogo e vaga na soana: na Taovia God Susuliga Sosongo!

Isaia 26:21

Na Taovia e maimai nogo talu tana verana i baragata, gana ke kedeginigira na tinoni sui tana barangengo popono tana rongona niqira sasi. Maia sauba nomoa ke adilabatigira i malena pipi sui na labumate popoi ara naua tana barangengo, ma na kao e utu goto ke tsavupoia na gabuqira igira ara labumatesigira.

Na Vaolusi Ketsa 32:13

“Aia e tamivanigira kara tagaovigira igira ara totu i kelana na vungavunga, ma kara gania na omea ara dato i laona na uta. Mara tsodoa na bulumitsua atsi i laoqira na vatu; ma niqira gai na olive ara molo vuaqira dou tana kao vatuvatuga.

Habakuk 3:19

Na Taovia God aia nogo na susuligaqu, maia e naua ma na tuaqu ara ka tsotso kakai vaga moa na dia mau gini liu raviravi dou i kelaqira na vungavunga.

Linge 115:3

Ma nida God igita e totu i baragata; me naugira na omea sui aia e padangaoa.

Esekiel 3:12

Mi tana, ma nina Tarunga God e tatatuuau, mau rongomia e tangi loki i muriqu na liona kesa me tsaria, “!Tsonikaea na mararana na Taovia aia e totu i gotu vasau!”

Isaia 25:10

Na Taovia nogo sauba ke reitutugua na Vungavunga Sion, me ke tsogori rapasigira na tinoni ni Moab vaga saikesa nogo kalina ara tsogoria na buruburu makede tana tae.

Nina Papi A Job 40:12

Eo, ko moro bâ i koniqira mo ko tsogori tsunaligira; mo ko bingi rutugira igira na vanga tsutsukibo i tana nogo ara totu.

Na Vaolusi Ketsa 33:29

!Igamu na Israel, kamu magemage dou! E tagara goto sa puku tinoni ke atsa kolugamu igamu, igamu nogo na puku na Taovia e laumaurisigamu. Na Taovia segenina nogo aia nimui tako ma nimui isi, gana ke isutugumui me ke sangagamu kamu gini tangomana. Igira gamui gala sauba kara nongigamu kamu galuvegira, migamu sauba kamu tsogori tsunaligira.”

Sekaria 14:4

Mi tana tagu ia, maia sauba ke tukae i kelana na Vungavunga Olive tana Jerusalem tabana i longa. Mi tana ti na Vungavunga Olive ke tavota ruka tû i longa me tsau i tasi, me kesa na qou sauba ke totu i ka levugaqira. Me kesa turina na vungavunga ia sauba ke ratsu tave, ma na turina ke ratsu tada.

Amos 9:5

Na Taovia God Susuliga Sosongo e pelea moa na barangengo, me gini kasisi; migira sui ara mauri i laona ara tangitangi. Ma na barangengo popono e tsobodato me pukaluvu tugua vaga moa na Kô Nile.