Mika 1:12 - Ghari

¹² Migira na tinoni ni Marot ara pitu sosongolia kesa ke mai sangagira, rongona na Taovia e varangi nogo ke toroutsania na Jerusalem.

Mika 1:12 Referans Kwoze

Jeremia 14:19

?Taovia, laka igoe o sove saikesa tanigira na Juda? ?Laka o reisavigira manana na tinoni ni Sion? ?Megua ti o bokaligami sosongo vaga ia, me tau tangomana ke mavu visutugua na bokamami? Igami ami lavea moa na rago, me tau goto laba vanigami sa omea dou. Mami amesia laka kami totudoutugua, mara mai molo matagu vanigami moa igira na gala.

Mika 1:9

Na bokana na Samaria e utu goto kara mavu, ma na Juda e varangi nogo ke gadovia na rota loki vaga goto ia. Me ke tau oka me ke toroutsa popono goto na Jerusalem, aia na verabau i tana ara totu niqu tinoni.”

Amos 3:6

?Mi kalina e tangi na tavuli na vailabu i laona na vera laka e tau posuligira na tinoni ara totu tana? ?Me laka e dona ke tavongani gadovia na rota loki kesa na verabau ti vaga na Taovia e tau molo bâ na rota ia vania? E utu.

Jeremia 8:15

Igita a amesia ke laba na tagu na rago ma na mauri doutugua, me tau moa laba vaga ia, migira moa na gala ara mai mara molo matagu vanigita.

Isaia 45:7

Inau nogo au goko me gini laba na marara ma na rodo. Minau goto nogo au molomaikaira sui na tagu dou ma na tagu seko. Inau nogo na Taovia au naugira pipi sui na omea girani.

Nina Papi A Job 30:26

Mi kalina inau au amesia laka ke dou na mauriqu, me laba vaniau na rota, mi kalina au pitua na marara, me labamai vaniau moa na rodo pulipuli.

1 Samuel 4:13

Mi kalina e laba ia, maia Eli e totu tana sasana ligisana na matsapakapuna na vera, me pipitu. Aia e pada sosongolia na Bokisi na Taso. Ma na mane ia e sage tana vera me rasavaginia na turupatu ia i laona na vera popono, migira sui ara ngangaidato tana matagu.

Nina Papi Ko Rut 1:20

Me tsaria ko Naomi, “Kamu laka na soaginiaqu ko Naomi. Kamu soaginiau ko Mara, rongona na God Susuliga Sosongo e naua te e gini melu sosongo na mauriqu.