Mateo 4:7 - Ghari

⁷ Ma Iesu e tsarivania, “Mara maregotoa tana Mamare Tabu na goko vaga iani: ‘Ko laka na tovoleana na Taovia nimu God.’ ”

Mateo 4:7 Referans Kwoze

Na Vaolusi Ketsa 6:16

“Kamu laka na tovoleana na Taovia nimui God, vaga amu naunogoa i Masa.

1 Korint 10:9

Igita ka laka na tovoleana na Taovia, vaga ara naua igira visana vidaqira igira, mara laba na muata mara gatigira mara mate.

Linge 78:18

Igira ara tû mara tovolea God mara turuginia ke saua vanigira na vatana na mutsa koegua igira ara kilia.

Linge 78:41

Na dani ma na dani igira ara tau goto kuti na tovoleana God, mara molorota vania aia na God Tabu Loki ni Israel.

Hibru 3:9

Eo, i tana nogoria igira na mumuamui ara tovoleau inau, atsa moa ti ara reilakana nogo na omea dou sui inau au naua vanigira i laona vati sangavulu na ngalitupa.

Binaboli 17:7

Mara soaginia tana nauna ia i Masa mi Meriba, rongona i tana nogo igira na Israel ara goko korekore mara tovolea na Taovia kalina ara veisuâ, “?Laka e totu kolugita manana na Taovia se tagara?”

Binaboli 17:2

Migira na toga ara goko korekore vanitugua a Moses mara tsaria, “Ko sauvanigami na kô na inu.” Ma Moses e tuguvisua me tsaria, “?Rongona gua ti amu goko korekore vaga ia? ?Me rongona gua ti amu tovole sailaginia moa na Taovia?”

Aqoaqo 5:9

Ma Petero e tsarivania, “?Egua vaga ti kagamu savamu amu ka tamia na tovoleana na Tarunga Tabu? Igira na borau ara vasini moa visu na qiluana savamu ara totu pitu nogo i matsapa. !Me sauba kara tsebago goto igoe!”

Linge 106:14

Mi tana kaomate igira ara kili sosongolia kara mutsa masu; te ara tû mara tovolea God;

Linge 95:9

I tana igira ara tovoleau inau, atsa moa ti ara reilakana nogo na omea loki inau au naua vanigira.

Malaki 3:15

Igita a reigininogoa na matada laka igira na tinoni vanga kaekae igira nogo ara totu magemage sosongo bâ. Migira na tinoni vanga nauseko ara tamani omea levolevo danga, mara gini tovolea moa God tana niqira nausasi, maia e tau goto kedegira.’ ”

Linge 78:56

Me atsa moa na Taovia e naua vanigira vaga ia, migira ara petsakoe vania God Susuliga Sosongo mara tovolea babâ moa. Migira ara tau nogo muria nina ketsa,

Tsoko Tinoni 14:22

laka ke tagara goto sa vidaqira na tinoni ara mauri kalina eni ke sage tana kao ia. Igira ara reilakana nogo na mararaqu, migira na valatsatsa au naua i mataqira i Ejipt mi laona na kaomate, migira ara tau kuti na tovoleaqu babâ moa mara sove na rongomangaqu inau.

Mateo 4:4

Ma Iesu e tsarivania, “Ara marea tana Mamare Tabu, ‘Na tinoni e tau gini mauri na bredi segeni moa. E kiligotoa ke murigira pipi nina tsaqina goko God.’ ”

Isaia 8:20

Migamu kamu tuguvisua ma kamu tsarivanigira vaganana iani, “!Igamu nimui aqo kamu rongomidoua na omea aia na Taovia e sasaniginigamu! Ma kamu laka saikesa na rongomiaqira igira ara dona na basuana na tidaoqira igira ara mate nogo. Rongona nagua sui moa igira kara tsarivanigamu tagara ke tau pelugamu sa omea i konina.”

Mateo 4:10

Me gokotugua a Iesu me tsarivania, “!Ko baligi Satan! Ara marea tana Mamare Tabu, ‘!Ko samasama vania na Taovia nimu God, maia segeni moa ko aqo vania!’ ”

Mateo 21:42

Ma Iesu e tsarivanigira, “?Megua, laka igamu amu tau vati tsokoa moa na omea ara marea tana Mamare Tabu mara tsarivaganana? ‘Aia na vatu igira na mane ara logovale ara tsoniligilea, vaga na omea tagara sa rongona, maia tsotsodo nogo na vatu ia, e lia na vatu tamani rongona pukuga baa vanigira sui. !Aia nogo na Taovia e naua te e gini laba vaga ia, me gini dou sosongo vanigita na reiana!’ ”

Mateo 21:16

Migira ara tuu, mara veisuaa a Iesu, “?Laka o tau rongomia igoe na omea vaga ara tsaria na baka girani?” Ma Iesu e tsaria, “Eo, au rongoimiigira rago. ?Me laka igamu amu tau vati tsokoa moa tana Mamare Tabu na goko vaga iani? ‘Igoe nogo o sasaniigira dou na baka pasa ma na meomeo na tsoniikaeamu.’ ”

Luka 4:12

Ma Iesu e tsarivania, “Ara maregotoa tana Mamare Tabu na goko vaga iani, ‘Ko laka na tovoleana na Taovia nimu God.’ ”

Aqoaqo 15:10

?Vaga ia, ma na rongona gua te amu ngaoa laka kamu tovolea God kalina eni, ma kamu ngoliginigira na tinoni tutuni na omea vaga ia igira na mumuada migita segenida goto, a tau tangomana na kalagaiana?