Mateo 3:10 - Ghari

¹⁰ God e vangaraunogoa laka aia ke kedegamu, vaga kesa na rarati e totu manoga nogo tana pukuna na gai, agana na mani kaviginiana. Eo, pipi na gai, igira ara tau molovuaqira dou, sauba aia ke kavikutigira, me ke tsonigira tana lake.

Mateo 3:10 Referans Kwoze

Ioane 15:6

Asei ti ke tau totu kalavata i koniqu inau sauba kara vasugiligia, vaga na vasuna na itai ara vasugiligia me matsele lee. Ma na vasuna na itai mate vaga ia, sauba kara karosaigira ma kara tsonigira tana lake.

Luka 3:9

God e vangaraunogoa laka aia ke kedegamu, vaga kesa na rarati e totu manoga nogo tana pukuna na gai agana na mani kaviginiana. Pipi sui na gai ti kara tau molo vuaqira dou sauba aia ke kavikutigira, me ke tsonigira tana lake.”

Mateo 7:19

Me pipi sui na gai ti ke tau molovuana dou sauba kara kavikutia, ma kara tsonia tana lake.

Ioane 15:2

Aia e dona ke vasugiligigira pipi sui na vasuna ara vasumai i koniqu, ti vaga kara tau tamani vuaqira dou. Maia e valakasigira dou pipi na vasuna ara vungu dou, na rongona kara gini male ma kara molo vuaqira dangadanga.

Jeremia 17:8

Aia e vaga saikesa na gai e vovodato i liligina na ko tatave, ma na lamuna e tete vano tana kô. Aia e tau dona ke padasavi kalina ke laba na tagu na papara, rongona na rauna ara totu marao dou moa; mi kalina ti vaga ke tau tumu na usa, me utu goto ke gini boe, e molo vuana babâ rago moa.

Hibru 6:8

Me ti vaga ke dato moa na itai kokonaga ma na buruburu seko i laona, mi tana e tau lelee pelu na uta. Me utu ke oka ma God ke ketsoa me ke nanga lee tana lake. Maia ke nauvaganana goto vanigira igira ara sove na pilotoba tania niqira sasi.

Mateo 21:19

Me morosi baa kesa na gai mutsamutsa e tuu ligisana na sautu. Me ba togavia vidana laka ti ke vua. Me tau reia sa vuana i konina, na rauna lee moa. Maia e goko vania na gai me tsaria, “!Igoe na gai, sauba ke utu saikesa vanigo goto ko molovuamu!” Mi kalina tsotsodo nogo ia, ma na gai ia e tavongani mate lee.

Malaki 4:1

Na Taovia Susuliga Sosongo e goko me tsaria, “E maimai nogo na dani i tana igira sui na tinoni vanga kaekae ma na vanga nauseko sauba kara iru lê sui vaga moa na rau matemate. Mi tana dani nogo ia, sauba kara iru sui saikesa nogo, me ke tau goto totuvisu sa turina na koniqira.

Linge 1:3

Aia e vaga moa ti kesa na gai e vovodato i ligisana na ko tsatsali, me gini molo vuana dou tana tagu laka, me tau goto dona ke matsele lê na rauna. Maia na tinoni vaga ia e tangomana sailagi pipi tana aqo sui e naua.

Luka 23:31

?Rongona ti vaga kara rotasia na gai mamauri vaga ia, ma nagua sauba kara nauvania na gai makede?”

Isaia 61:3

ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

Hibru 12:25

Vaga ia, ma kamu parovata dou, ma kamu laka sove na rongomiana God kalina aia e goko vanigamu. Kamu laka goto na reinunu i koniqira na tinoni ni Israel i sau. Igira ara tau tangomana kara taopoi tania nina kede God kalina ara sove na rongomiana a Moses kalina aia e goko vanigira tana asana God ieni i lao. !Migita goto sauba ke utu vanigita na taopoi taniana nina kede God ti vaga igita ka sove na rongomiana aia e gokomai talu i gotu!

2 Samuel 23:7

Masei ti vaga ke ngaoa na tangoliaqira, nina aqo nomoa ke tangoliginigira na tapala se na bao; migira sauba kara iru sui saikesa.

Linge 92:12

Migira na tinoni ara totugoto i matana God, sauba kara dato magobu dou vaga nogo na gai na niu tana kao dou; ma kara katsi vaga na gai na sida ni Lebanon.

Linge 140:10

Ko naua ma na vatu romaroma ke puka bâ i koniqira; ma kara tsonitsunagira i laona na qilu loki ma kara tau lelê goto rutsu tania.

Daniel 4:14

Maia e gu loki me tsaria, ‘Kamu kavitsunâ na gai ia ma kamu lavasuligigira na arana; kamu tsapiligigira na rauna ma kamu rasavagini bamaigira na vuana. Kamu tsialigigira na omea tuavati ara totu raviravi i vavana, ma na manu ara logo binuqira tana arana.