Mateo 27:60 - Ghari

⁶⁰ Me molosagea i laona nina vatuluma segeni nogo ia, e vasini kavia moa tana maragova. Me kelia kesa na vatu loki, me vongoginia na mangana na vatuluma. Me moloa tana, me vano ia.

Mateo 27:60 Referans Kwoze

Isaia 53:9

Mara ba qilua i tana ara qilugira na tinoni seko. Ara qilua kolugira na tinoni ara tamani omea levo, atsa moa ti aia e tau saikesa tsukia sa sasi, se ke tsonia sa gokopero.”

Mateo 28:2

Mi kalina ara ka ba tsau tana, me tavongani kasi loki na vuluge. Me kesa nina angelo na Taovia e tsunamai talu i gotu, me keliligia na vatu, me totukae i konina.

Mateo 27:66

Migira ara tuu mara vano, mara kakaisia na vatu loki tana mangana na vatuluma, mara mologira na mane vaumate kara totupitua na vatuluma.

Ioane 20:1

Mi tana matsaraka rovorovo na dani murina na Sabat, kalina e tau vati dani male moa, maia ko Maria Madalena e vano tsigovia na vatuluma. Maia e reia na vovongo vatu e takeliligi nogo tania na mangana.

Luka 24:2

Mara tu reia na vovongona vatu e takeliligi tania na matsapana na vatuluma,

Tuturigana 50:5

‘Kalina na tamaqu e vatsangia na mateana, aia e nongiau kau vekevania laka kau ba qilua tana vatuluma aia e vangaraua tana kao ni Kanaan. Me vaga ia, mo ko tamivaniau kiki kau vano ma kau qilua na tamaqu, mi muri ma kau visumaitugua.’ ”

Isaia 22:16

“?A Sebna, o padâ laka asei vaga igoe? ?Asei e tsarivanigo ko ba tsai vatulumamu tana maragova?

Mateo 27:59

Ma Iosepo e aditsunaa na konina a Iesu, me tsaboroginia na polo sere vaolu.

Ioane 11:38

Me kuluvesuvesu tugua a Iesu, me garu baa varangi tana matsapana na vatuluma ara vongoginia na vatu.

Ioane 11:41

Mara keliligia na vatu vovongona. Ma Iesu e moro lengatada me tsaria, “Au soadougo Tamaqu rongona o rongomiau.

Ioane 19:41

Mi tana nauna tana ara matesia a Iesu e totu kesa na uta tana, mi tana goto e totu kesa na vatuluma vaolu ara tau vati qilua kesa tinoni i laona.