Mateo 26:7 - Ghari

⁷ Mi kalina a Iesu e mutsamutsa, me labamai kesa na daki kolua kesa na bilo na ko uruuru e loki sosongo na matena. Me mai me qetua i lovana a Iesu.

Mateo 26:7 Referans Kwoze

Luka 7:46

Igoe o tau ninaginia na lovaqu na mona, maia e qetutsavua na tuaqu na ko sisigini.

Isaia 57:9

Igamu amu tsonia na kô sisigini dou, mamu ninaginigamu na mona, mamu ba samasama vania Molek na god peropero. Mamu molovanogira na mane adigoko kara bâ tana vera ao, me tsau bâ tana barangengo na mate, na laveaqira na god kamu samasama vanigira.

Linge Na Galuve 1:3

E sigini dou sosongo na vurumu; ma na tatangina na soamu e dou sosongo vaniau vaga moa kalina ara qetua na ko sisigini. !Aia nogo na rongona ti ara ngao sosogoligo goto igira na daki tavosi!

Sasani Sasaga 9:8

Ko sagelia na polo dou mo ko tsonia na ko sisigini dou tana ivumu.

Linge 133:2

E vaga moa ti na oela loki matena ara qetua i lovana a Aaron me sarara tsuna tana ngolana, me porisia na liona na polona sagesage katsi.

Sasani Sasaga 10:1

Na lango mate i laona na ko sisigini dou e naua me gini seko popono na vuruna na kô ia, me vaganana goto kesa lelê moa na sasaga bubulega e dona ke pualasilea na sasaga loki bâ.

2 Taovia Tsapakae 9:1

Mi tana tagu ia ma Elisa na propete e soamaia i konina kesa na propete vaolu me tsarivania, “Ko vangaraua na vano i Ramot tana Gilead. Mo ko adia na tosu na oela na olive iani,

Mateo 26:8

Migira gana duli a Iesu ara reia, mara kore vania na daki. Mara veisuaa, “?Egua te o sekolilea na omea dou vaga ia?

Marko 14:3

Me tuu a Iesu me vano i Betani, me ba sangamutsa i valena a Simon na mudo. Mi kalina a Iesu e mutsamutsa, me labamai kesa na daki e tangolia kesa na bilo na ko uruuru e loki sosongo na matena. Me resea na bilo, me reoa na ko uruuru i lovana a Iesu.