Mateo 26:40 - Ghari

⁴⁰ Me visumaitugua tu koniqira tugira tolu gana duli, me reitugira ara tu maturu, me tsarivania a Petero, “?Egua te e utu vanitugamu na mamata koluau kesa moa tana tagu tetelo?

Mateo 26:40 Referans Kwoze

Marko 14:37

Ma Iesu e visumaitugua tu koniqira tugira tolu gana duli, me reitugira ara tu maturu, me tsarivania a Petero, “?Simone Petero, laka o maturu lee moa? ?Egua, laka e utu vanigo ko mamata koluau kesa moa tana tagu tetelo?

Luka 22:45

Mi kalina e nonginongi sui, maia e tuu, me ba reigira gana duli, me reia laka ara maturu rongona e ngoligira na melu.

Mateo 26:43

Me visutugua a Iesu, me reitugira ara tu maturu moa, rongona e mamava tu mataqira.

Luka 9:32

Ma Petero mi kaira gana duli ara tu maturu mate. Mi kalina ara tu mamata tugua, mara tu reia na mararana a Iesu, mi kaira ruka na mane ara ka totupala kolua.

Mateo 26:35

Ma Petero e tsaria, “!E utu saikesa Taovia! !Atsa moa ti kara matesiau kolugo, me utu vaniau kau tiatagarago!” Migira sui gana duli ara tsarivagainana goto ia.

Mateo 26:38

Te aia e tsaria vanitugira, “E melu sosongo na tobaqu inau, me varangi kau gini mate. Tugamu kamu tu totu ieni, ma kamu tu mamata koluau.”

Mateo 25:5

Me putsi nogo nina tagu na laba aia na mane tauga vaolu, me tau moa vati laba. Mi tugira na baka daki ara tu kolae na pipitu, me varivari tu mataqira, mara tu tavongani maturu.

1 Taovia Tsapakae 20:11

Ma Ahab na taovia tsapakae e tuguvisua nina goko me tsaria, “Kamu bâ ma kamu tsarivania a Benhadad laka kesa na mane vaumate manana e dona ke goko kaekae i murina moa kalina e managana tana vailabu, me tau tana idana.”

Tinoni Pede 9:33

Mi tana matsaraka ke dani kamu mamata tsaku kalina e tau vati kala moa na aso ma kamu bokinovotia na verabau ia. !Mi muri kalina a Gaal ma nina mane vaumate kara maiginigamu, migamu kamu nauvanigira na omea vaga igamu segenimui nogo amu padâ kamu nauvanigira!”

Linge Na Galuve 5:2

Mi kalina au maturu, ma na kosuqu e mamata moa. Mau bolea laka niqu udu e mai kidikidi i matsapa. Niqu udu, igoe na kosuqu popono, ma niqu kulukulu, ko sangavi vaniau na matsapa ma kau sage bâ. Na lovaqu e porisinogoa na kolobu, ma na lavo e tsavu poponoa na ivuqu.

Mateo 26:41

Kamu mamata, ma kamu nonginongi, kamu tau puka tana tabotabo. Amu ngaoragoa na mamata koluaqu, ma na konimui moa e maluku.”