Mateo 26:38 - Ghari

³⁸ Te aia e tsaria vanitugira, “E melu sosongo na tobaqu inau, me varangi kau gini mate. Tugamu kamu tu totu ieni, ma kamu tu mamata koluau.”

Mateo 26:38 Referans Kwoze

Ioane 12:27

“Eo, mi kalina eni e pono na tobaqu. ?Ma nagua goto kau tsaria? Laka kau tsaria, ‘Tamaqu, ko laka na tamiana na tagu eni ke gadoviau.’ Maia tsotsodo nogoria na rongona te au gini mai inau rongona kau gini sabetia na tagu na rota sauba ke gadoviau.

1 Petero 3:18

Eo, ka padatugutugudoua laka a Iesu Kristo e mate kesa moa kalina, me gini sese mateqira na sasi sui. Aia e vo saikesa na sasi, me tamia na mate tuguda igita na tinoni sasi, matena e ngaoa ke gini tudumigita vania God. Ara matesiragoa na konina, ma na tidaona e utu ke mate, e mamauri moa.

1 Petero 2:24

Tana konina segeni nogo, a Iesu Kristo e kalagaigira nida sasi tsau tana mateana tana gai ulutaligu, rongona ti igita ka gini tangomana na mate taniaqira nida sasi, ma ka gini mauri muria moa nina kili God. I tana bokana nogo a Iesu, ti igamu amu tsodoginia na mauri.

Galatia 3:13

Maia Iesu Kristo e suivisugita nogo tania na redo e alomaia na Ketsa kalina aia segeni nogo e mate tuguda tana gai ulutaligu. E vaga nogo ara marea tana Mamare Tabu, “Ti vaga asei kara tsauraeginia tana gai ulutaligu, na tinoni vaga ia, God nogo e redoa.”

Isaia 53:10

Ma na Taovia e goko me tsarivaganana iani, “Inau nogo au pede vania ke gadovi rota loki vaga ia, ma na mateana e lia ngiti kodoputsa gana na sese mateqira na sasi. Me vaga ia, ti sauba aia ke mauri oka, me ke reigira na kukuana kara botsamai i muri, mi konina nogo ia ti inau kau manaligira na omea sui au pede manogatinogoa.

1 Petero 4:7

E varavara nogo ke labamai na susuina dani. Kamu totu parovata, ma kamu tagaovidoua na sasagamui, ke gini lakagana vanigamu na nonginongi.

2 Korint 5:21

A Iesu Kristo e tau dona na sasi aia, mi tana rongoda moa igita ti God e molovania na ngolina nida sasi, rongona i konina nogo aia igita ka gini totugoto i matana God.

Roma 8:32

!God e tau tongovanigita na Dalena, me saumaia ke gini mate tuguda igita sui! ?Megua, laka sauba ke tau tusule vanigita kolugotoa aia na omea sui tavosi goto?

Mateo 25:13

Ma Iesu e suilavaginia nina gokolia me tsaria, “Kamu parovata dou, rongona amu tau donaginia na danina ma na taguna.

Isaia 53:3

Igita sui a reisavia moa ma sove tania. Maia e berengiti moa tana rota loki ma na vatsangisavi ara gadovia. Me tagara goto ke kesa ke ngaoa na moro bâ i konina aia. Igita sui a reipea moa vaga moa ti aia na omea lê.

Linge 116:3

Na sosorina na mate ara totu polipoliau; ma na papadana na qiluqilu e koviau popono; me ngoli sosongoliau na matagu ma na padasavi.

Linge 42:5

?Megua vaga inau ti au melu sosongo vaga ia kalina? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Isaia 53:12

Me vaga ia, minau sauba kau molokaea i laoqira na tinoni tangirongo susuliga. Aia e tau sove na mate vaga moa na tinoni vanga tsutsukibo. Me ba mate na tuguqira na tinoni sasi, me nonginongi mateqira ti ke gini tanusi niqira sasi.”

Marko 14:34

“E melu sosongo tobaqu inau, me varangi kau gini mate. !Tugamu kamu tu totu ieni, ma kamu tu mamata koluau!”

Linge Na Galuve 5:3

Inau au tsoraliginogoa na poloqu, ?Ma na rongona gua kau sagelitugua? Inau au vulimalenogoa na tuaqu. ?Ma na rongona gua ti kau bausitugua?