Mateo 24:35 - Ghari

³⁵ Na baragata ma na barangengo sauba kara ka nangaligi lee. Ma niqu goko inau, e utu saikesa kara nangaligi.

Mateo 24:35 Referans Kwoze

Isaia 40:8

Eo, igira na buruburu ara mate lê, ma na tsitsi ara dudu, ma na gokona moa God e totu saviliu.”

1 Petero 1:25

Ma na gokona God aia segeni moa e dona ke totu saviliu.” Maia nogoria na gokona na Turupatu Dou ara gokogini vanigamu nogo.

Tsoko Tinoni 23:19

God aia e tau saikesa vaga na tinoni lê me ke dona na peropero; me vô na oliana nina papada vaga ara naua igira na tinoni. Ma na omea sui moa aia ke vekea, sauba ke manaligira nomoa; aia e goko moa, mara laba na omea vaga aia e tsaria.

Isaia 55:11

Me sauba ke vaga goto niqu goko inau. E utu ke puala lê. Me sauba nomoa ke naua na aqo sui inau au molovania ke naua.

Mateo 5:18

Inau au tsarivanigamu na manana. E utu lelee ke kesa na tsaqina tetelo i laona na Ketsa ke tavongani nanga lee, poi ke tsau tana susuina na dani, i tana kara ka nangaligi lee na baragata ma na barangengo.

Goko Tabana 30:5

“God e manalia pipi sui na veke aia e naugira. Me dilagira na tinoni ara ba toturavi i konina, vaga nogo na tako e dilâ na mane vaomate tana tagu na vailabu.

Isaia 51:6

Kamu morodato tana masaoka; ma kamu morosigotoa na barangengo. Na masaoka sauba ke nangaligi lê vaga moa na pungu, ma na barangengo sauba ke tapuripuri lê vaga moa na polo ngutanguta, migira sui na tinonina sauba kara viri mate vaga moa na lango. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.

Isaia 54:10

Me atsa moa ti igira na vungavunga ma na tetena kara tatsora, ma niqu galuve vanigo inau sauba e utu saikesa ke sui, me sauba kau manali sailaginia niqu tabana na vaitasogi na rago au naunogoa kolugo. Inau nogo na Taovia au galuve sosongoligo au tsaria na omea iani.”

Linge 89:34

Eo, sauba e utu goto kau kutsia na vaitasogi au naukolua, se kau tangolivisua ke kesa turina na omea au gini vekevaninogoa.

Linge 102:26

Migira na omea sui, sauba kara nangaligi lê kesa dani, migoe moa sauba ko totu saviliu; eo, sauba kara nguta lê igira sui vaga moa na polo. Migoe sauba ko tsoniligigira lê vaga moa na polo ngutanguta, me sauba kara nanga lê sui.

Linge 19:7

Nina ketsa na Taovia e gotolaka; me saua vanigita na susuliga vaolu. Nina goko na Taovia ara mana sui, mara saua na sasaga loki vanigira ara tau sasaga katsi.

Na Katemai 3:14

“Ko mamare baa vania na angelo e reitutugua na lotu i Laodisea, mo ko tsarivaganana vania: “Iani nogo e vaga na goko e talumai i konina aia ara soaginia na Amen, aia e totukakai sailagi me vo oli, me mana saviliu, maia nogoria na pukuna na omea sui lakalaka God e volagira.

Na Katemai 6:14

Ma na masaoka e tavongani nanga lee, vaga moa kesa na viviruna na papi ara virua, me pipi sui na vungavunga ma na momoru ara viri ratsuligi tania na sasaqira tana ara totu.

Na Katemai 20:11

Mi muri, mau reigotoa kesa na sasana na totukae, e loki me sere, ma na tamanina e totu kaekae i konina. Mi kalina kaira sui na barangengo ma na baragata ara morosi vaganana ia, mara ka mataguni sosongolia, mara ka tsogoligi tania, mara ka ba nanga lee saikesa.

Isaia 34:4

Na aso, ma na vula, ma na veitugu sauba kara puka ma kara lia lê na papasa. Ma na masaoka sauba ke tabuni lê, vaga moa kalina ara virua na viviruna na papi, migira na veitugu sauba kara dudu lê, vaga moa kalina e rasa na gai me dudu na rauna, se na rauna na itai na uaeni.

Linge 119:89

Taovia, nimu tsaqina goko igoe sauba ke totu saviliu na dani ma na dani; aia e totu kalavata nogo i gotu i baragata.

Marko 13:31

Na baragata ma na barangengo sauba kara ka nangaligi lee, ma niqu goko inau e utu saikesa kara nangaligi.

Luka 21:33

Na baragata ma na barangengo sauba kara ka nangaligi lee. Ma niqu goko inau, e utu saikesa kara nangaligi.

Daniel 4:28

Ma na omea sui girani ara laba manana vania moa a Nebukadnesar na taovia tsapakae.