Mateo 22:43 - Ghari

⁴³ Ma Iesu e veisuagira goto, “?Me ti e vaga ia, megua ti na Tarunga Tabu e mararasia tobana a David, maia e soaginigotoa gana Taovia? Ma David segenina nogo e tsaria na tsaqina goko vaga iani tana papi na Linge Tabu:

Mateo 22:43 Referans Kwoze

2 Samuel 23:2

Nina Tarunga Tabu na Taovia e goko tana mangaqu inau; ma nina goko e totu nogo tana tutubena na mangaqu.

Na Katemai 4:2

Mi tana tagu tsotsodo ia, ma na Tarunga Tabu e totuviau. Mau morosia kesa na sasana na totukae e totu i gotu i baragata, me kesa e totu kaekae i konina.

Na Katemai 1:10

Me kesa tana nina Dani na Taovia, ma na Tarunga Tabu e totuviau, mau rongomia kesa na goko e tangi loki vaga moa ti kesa na tavuli e tatangi mai i muriqu.

2 Petero 1:21

Matena e utu saikesa vania sa tinoni lee ke tavongani botsangia sa tsaqina goko na katemai. Igira segeni moa na Tarunga Tabu e mararasigira ara tangomana kara katemai vanigira na tinoni na goko e talumai i konina God.

Hibru 3:7

Me vaga ia, miani nogo na goko vaga e tsaria na Tarunga Tabu: “Ti vaga i dani eni kamu rongomia na gokona God,

Aqoaqo 1:16

“Tasiqu igamu, e utu ke tau labatovu na omea ara marea tana Mamare Tabu. Igita a tsokonogoa tana laka na Tarunga Tabu e moloa nina goko i mangana a David, maia David e gini katemai idanogoa nina aqo a Iudas, aia e raqaa na alaala tana dani ara tangolia a Iesu.

Marko 12:36

Na Tarunga Tabu nogo e mararasia na tobana a David, te e gini tsaria na goko vaga iani, ‘Na Taovia e tsaria vania niqu Taovia: Ko totu ieni tana madoaqu, poi tsau kalina kau livugira sui gamu gala i vavana tuamu, ma kara tseka vanigo.’

1 Korint 12:3

Au ngaoa kamu donadoua laka e tau tangomana vania kesa aia nina Tarunga Tabu God e tagaovinogoa, ke tuu me ke vealaginia a Iesu. Me tagara goto ke kesa ke tangomana na katevulagiana laka “A Iesu e Taovia” ti vaga na Tarunga Tabu ke tau matalia aia.