Mateo 21:5 - Ghari

⁵ “Tsari vaganana vanigira na tinoni ni Sion, Kamu reia baa aia nimui taovia tsapakae e maimai. E molotsunali segenina, me totukae i gotuna na asi daki e dulikolua na dalena.”

Mateo 21:5 Referans Kwoze

Isaia 62:11

na Taovia nogo e tetevagini gokona vanigira na tinoni sui tana barangengo popono me ketsaligira kara tsarivaganana iani vanigira na tinoni ni Jerusalem, “Igamu na tinoni ni Jerusalem, kamu reia bâ, e maimai nogo nimui vagamauri, me dulikolumaigira igira na tinoni aia e suivisugira nogo.”

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Tuturigana 49:10

A Juda sauba ke tangolikakaia nina itoro na taovia tsapakae, Migira na kukuana sauba kara tagao saviliu, poi tsau kalina ke laba mai na tamanina. Migira na puku tavosi sauba kara adimai vania niqira vangalaka, Ma kara rongomangana.

Hosea 1:7

Migira moa na tinoni tana Juda sauba kau galuvegira. Inau nogo na Taovia niqira God, me sauba nomoa kau maurisigira. Me ke tau goto kilia kau maurisigira tana vailabu kolua na isi, na parige, ma na pipili, se kau mologira na mane vaumate ara sage tana ose kara ba sangagira.”

Isaia 40:9

Ko dato bâ i kelana kesa na vungavunga katsi, mo ko ba turupatuna na turupatu dou vanigira i Jerusalem. !Ko gudato me ke tangi loki bâ na liomu kara gini rongomia igira sui tana Sion! Ko gokolaba mo ko laka goto na matagu. Ko tsarivanigira na tinoni pipi sui tana vera ni Juda laka e maimai nogo niqira God!

Esekiel 37:24

Me kesa na taovia tsapakae vaga nogo a David niqu maneaqo sauba ke lia niqira taovia tsapakae. Migira sui sauba kara totusai i vavana kesa moa na reitutugu, maia ke tagao dou vanigira, ma kara muri kalavatavigira niqu ketsa sui.

Esekiel 34:24

Inau nogo na Taovia sauba kau lia niqira God, me kesa na taovia tsapakae vaga nogo a David niqu maneaqo ia ke lia gaqira ida. Inau nogo au tsaria na omea iani.

Mateo 11:29

Kamu tami na kalagaiana gaqu kalagai, ma kamu sasani i koniqu, rongona inau au tsalapo dou, mau voo na kaekae. Mi tana nogo ti igamu kamu tamaniginia na rago i laona na tobamui.

Mateo 2:6

‘God e tsaria, Igoe Betlehem, tana butona na kao ni Judea, o tau nogo palatsuna i laoqira na veraloki ni Judea; rongona i laomu nogo igoe, sauba ke laba kesa na ida loki, maia nogo sauba ke mataligira niqu toga ni Israel.’ ”

Mateo 2:2

Mara veisuaa: “?Laka iava e botsa aia na meomeo sauba ke taovia tsapakae vanigira na Tsiu? I tugami ami tu morosinogoa na veituguna kalina e labadato i longa, mami tu gini mai na tsuporu vaniana.”

Mika 5:2

Ma na Taovia e tsaria, “Igoe Betlehem Eprata, igoe kesa o palatsuna i laoqira na vera sui tana Juda, mi laomu nogo igoe, sauba ke botsamai kesa na ida loki, maia nogo sauba ke tagaovigira na Israel, ma na vungu konina ia e tu mai nogo i oka.”

2 Korint 10:1

Inau a Paulo, inau nogoria kesa ara keli vaniau mara tsaria laka au molotsunali segeniqu sosongo kalina au totu kolugamu, mi kalina au totu ao tanigamu mau goko vavanga vanigamu.

Linge 9:14

ma kau ba tû i mataqira na toga ni Jerusalem, ma kau katevulagi vanigira na omea vaga inau au tsonikaeginigo. Sauba kau gini magemage tana rongona igoe o laumaurisiau inau.

1 Taovia Tsapakae 10:26

Ma Solomon e pabogira na dangana nina terê ma nina ose gana na vailabu. E tamanigira ara sangavulu vati sangatu na terê, me sangavulu ruka toga na ose. Visana vidaqira e mologira kara totu i Jerusalem, me visana e mologira bamai tana verabau tavosi.

1 Taovia Tsapakae 1:33

maia e tsarivanitugira, “Kamu tu adigira niqu mane sasanga kolutugamu, ma kamu tu molovania a Solomon na dalequ ke sage i gotuna niqu asi, ma kamu dulikolu tsuna bâ tana kô vuravura i Gihon.

2 Samuel 16:2

Maia David na taovia tsapakae e veisuâ, “?Nagua vaga sauba ko nauginigira na omea sui vaga girani?” Ma Siba e tsarivania, “Na asi karani e vanigira nimu tamadale kara sage i ka kelaqira, ma na bredi ma na vuana gai girani gaqira nogo nimu mane kara ganigira, ma na uaeni gana kara inuvia kalina kara kolae na liu i laona na kaomate.”

Tinoni Pede 12:14

Maia e tamanigira ara vati sangavulu na dalena mane, me tolu sangavulu na kukuana mane, migira ara sagekae i kelana ara vitu sangavulu na asi. Maia Abdon e tagao tana Israel i laona e alu na ngalitupa.

Tinoni Pede 5:10

Kamu gini turupatuna bamai igamu amu sage i gotuna na asi sere, migamu sui goto amu vanovano lê moa pipi nauna tana amu vano.

Na Vaolusi Ketsa 17:16

Na taovia tsapakae ke laka na tamaniana danga sosongo na ose vanigira nina mane vaumate, me ke laka goto na molo tinoni vano i Ejipt na voli ose, rongona na Taovia e tsarinogoa laka igira nina tinoni kara laka saikesa na visutugua i tana.

Tsoko Tinoni 24:19

Migira na Israel sauba kara tsogori pukaligira, ma kara suilavaginigira goto igira ara kauvisu.”

Ioane 1:49

Me novo a Nataniel me tsaria, “!Ei, Taovia, igoe manana na Dalena God! !Igoe nogo nimami Taovia Tsapakae igami na Israel!”

Mateo 21:6

Mi kaira ara ka vano, mara ka naua na omea sui vaga a Iesu e raiginikaira.

Luka 24:27

Mi tana, ma Iesu e vuresi makali vanikaira na omea ara marea tana rongona ia pipi tana Mamare Tabu, tuturiga tana nina mamare a Moses, me baa tana niqira mamare igira sui na propete.