Mateo 18:13 - Ghari

¹³ poi tsau kalina ke tsodovulagia. Minau au tsarivanigamu, sauba aia ke mage loki sosongo baa matena aia kesa lelee moa na sipi e nanga me reivulagitugua, liusia baa na mateqira ara siu sangavulu siu igira ara tau nanga.

Mateo 18:13 Referans Kwoze

Iakobo 2:13

Rongona kalina God ke tuu na pedeaqira na tinoni, me sauba ke tau goto galuvea aia e voo na galuveaqira na kulana. Matena na galuve moa a dona na gini tangomana tana pede.

Sepania 3:17

Na Taovia nimui God e totu i konimui; mi tana susuligana nogo aia igamu amu gini tangomana. Na Taovia sauba ke gini mage loki na reiamui, mi tana nina galuve loki sauba ke vaolusiginia na maurimui. Maia sauba ke linge me ke gini mage loki tana rongomui igamu, vaga nogo kalina igira na tinoni ara magemage tana dani tabu loki.”

Mika 7:18

Me tagara goto sa god ke vaga igoe Taovia; igoe o padale vanigira niqira sasi nimu tinoni igira ara kauvisu. Mo tau goto dona na tangoli okaana nimu kore, mo gini mage moa na sauvulagi vaniamami nimu galuve vo oli.

Isaia 62:5

Vaga saikesa nogo na mane vaolu e taugâ kesa na daki siama, nimu God aia e aqosigo sauba ke taugago. Me vaga kesa na mane tauga vaolu e magemage kolua na tauna, me sauba nimu God ke magemage kolugo goto igoe.

Isaia 53:11

Mi kalina ke pirugira sui nina rota, me sauba aia ke magemage tugua, me ke donaginia laka nina rota sui ara tau puala lê. Aia niqu maneaqo dou au reingao sosongolia, sauba ke kalagaia na kedena popono niqira sasi na tinoni danga, mi tana rongona nogo aia ti inau sauba kau veoligia niqira sasi.

Linge 147:11

Maia e gini mage moa na reiaqira na tinoni ara kukuni tania, migira ara norua nina galuve vo oli.

Esekiel 34:4

Amu tau goto galuvegira igira ara maluku lê, mamu tau taligira igira ara lobogu, mamu tau veqoa na bokaqira, mamu tau adivisugira igira ara tova, se kamu tsoni lalaveqira igira ara nanga. Tagara. Migamu amu rotasi sosongoligira moa.

Mateo 18:12

“?Ma nagua amu pada igamu? ?Ti vaga kesa na mane, maia e tamanigira kesa sangatu nina sipi, me kesa na vidaqira ke nanga, me laka nagua sauba ke naua? Sauba nomoa aia ke mololegira talu igira siu sangavulu siu na sipi tavosi tana nauna ara mutsamutsa, maia ke vano talu na laveana aia na sipi e nanga,

Mateo 18:14

Me atsa vaga saikesa goto nina aqo na Tamamui i baragata. Aia e tau saikesa padangaoa ke nanga lee ke kesa vidaqira na tetelona vaga girani.

1 Korint 13:6

Na galuve e tau gini mage tana omea e seko, me gini mage moa tana omea e mana.