Mateo 17:4 - Ghari

⁴ Me tuu a Petero me tsarivania a Iesu, “!Taovia, e dou sosongo rago na totu ieni! !Ti vaga ko tami igoe, me sauba inau kau logoa ke tolu na babale ieni. Ke kesa vanigo igoe Taovia, me ke kesa vania a Moses, me ke kesa vania a Elija.”

Mateo 17:4 Referans Kwoze

Luka 9:33

Mi kalina kaira a Moses ma Elija ara ka mololea a Iesu, ma Petero e tsarivania, “!Taovia, e dou sosongo rago na totu ieni! Sauba kami tu logoa ke tolu na valepolo, ke kesa vanigo igoe, me ke kesa vania a Moses, me ke kesa vania a Elija.” Ma Petero e tau goto donaginia nagua e gini goko rongona.

Ioane 17:24

“!Mama! Igoe nogo o tusugira vaniau. Minau, au kilia laka i tana kau totu inau, kara totu koluau goto igira. Kara gini reivulagia niqu marara, na marara igoe nogo o tusuvaniau, rongona igoe o galuveau kalina e tau vati botsa moa na barangengo.

Isaia 33:17

Me sauba kamu reia ke labatugua kesa na taovia tsapakae dou e sagelia na polona rerei dou sosongo, me ke tagaovi kaputia na kao aia e longa ao, me votu ao, me tave ao, me tada ao.

Linge 16:11

Igoe sauba ko tusuvulagi vaniau na sautu e vano kalea na mauri. Igoe o totu varangisiau me gini danga tovu niqu magemage, ma niqu mage na totu i matamu igoe e utu goto ke sui.

Linge 4:6

Ara danga sosongo rago ara nonginongi vaga iani: “!Taovia ko tusumaia vanigami ke danga bâ na vangalaka. Mi tana nimu galuve ko moromai i konimami!”

Na Katemai 21:23

Me tau goto kilia na aso se na vula ke sinaria ti ke gini marara na verabau ia, rongona na mararana God nogo e mararasia, ma na Dalena Sipi nogo e ngiti mararana.

1 Ioane 3:2

Kulaqu galugaluve igamu, igita a lia nogo na dalena God, me tau moa vati labamaka vanigita nagua sauba ka lia goto i muri. Igita a dona moa laka kalina ke labavisumai a Iesu Kristo, migita sauba ka usulia, rongona sauba ka morosia vaga e totu manana nogo aia.

Pilipi 1:23

Ara ka raqaau ruka tabana me gini ponopala na tobaqu. Kesa tabana, au kili sosongolia kau mololea na mauri ni lao eni ma kau ba totu kolua a Iesu Kristo i baragata. Aia moa na omea e dou saviliu.

Sekaria 9:17

!Sauba ke rerei dou sosongo bâ, me ke lakataga dou na kao ia! Migira na tinoni vaolu sauba kara gania na mutsana, ma kara inuvia na uaenina, ma kara gini lia na tinoni susuliga.

Mateo 17:3

Mi tugira gana duli a Iesu ara tu morosikaira a Moses ma Elija ara ka gogoko kolua a Iesu.

Ioane 7:2

Me varangi mai nogo niqira Dani Tabu na Tsiu, aia na Dani Tabu na Babale.