Mateo 17:10 - Ghari

¹⁰ Mi tugira gana duli ara tu veisuaa a Iesu, “?Rongona gua ti igira na tarai na Ketsa ara tsaria laka nina aqo nogo a Elija ke ida ke visumai talu?”

Mateo 17:10 Referans Kwoze

Mateo 11:14

Na propete ara katemainogoa laka a Elija sauba ke visumai, me ke nautugua nina aqo. Maia nogoria na aqo ia, a Ioane e nanaua kalina eni. Me ti vaga igamu amu tutunina manana niqira goko na propete, ma kamu dona laka a Elija nogoria aia a Ioane.

Ioane 1:25

mara veisuatugua a Ioane, “?Me ti vaga igoe o tau na Mesia, mo tau goto a Elija, mo tau goto aia na Propete ami pipitua, megua ti o lesovitabugira na tinoni?”

Ioane 1:21

Mara veisuaa, “?Me ti vaga ia, masei moa igoe? ?Laka igoe a Elija?” Me gokovisu a Ioane, me tsaria, “Tagara, tau a Elija inau.” Mara veisuagotoa, “?Se laka ko tau aia nogoria ngatsu na Propete ami pipitua igoe?” Ma Ioane e tsaria, “Tagara goto.”

Marko 9:11

Mara tu veisuaa a Iesu, “?Rongona gua ti igira na tarai na Ketsa ara tsaria laka nina aqo a Elija ke ida ke visumai talu?”

Mateo 16:14

Migira ara gokovisu mara tsaria, “Igira visana ara tsaria laka igoe a Ioane Batista. Visana ara tsaria laka igoe a Elija. Migira goto visana ara tsaria laka a Jeremia, se ke kesa na propete tavosi.”

Mateo 17:11

Ma Iesu e tsaria, “Eo, e mana nomoa laka nina aqo nogo a Elija ke ida ke visumai talu, me ke vangarau manogatigira na omea sui.