Mateo 13:55 - Ghari

⁵⁵ ?Laka aia e tau na dalena moa na mane kamoda lee ngana? ?Ma ko Maria moa na tinana? ?Ma tu kulaqira moa a Iakobo, ma Iosepo, ma Simon ma Jude?

Mateo 13:55 Referans Kwoze

Ioane 6:42

Mara tsaria, “?Na dalena nogoria ngatsu a Iosepo na mane iani? Migita a donaginikaira na tamana ma na tinana. ?Megua kalina eni ti aia e tsaria laka e tsunamai talu i gotu?”

Marko 6:3

?Laka aia e tau na mane kamoda lee moa ngana, na dalena ko Maria, ma na kulana a Iakobo, ma Iosepo, ma Iude, ma Simone? ?Me laka igira sui na vavinena ara tau totu kolugita ieni kalina?” Mi tana igira ara sove saikesa tania, mara tau goto ngaoa na rongomiana.

Luka 3:23

E gana ngongo tolu sangavulu na ngalitupana a Iesu kalina aia e tuturiga nina aqo. Mi mataqira na tinoni, a Iesu e vaga moa laka ti aia na dalena manana nogo a Iosepo. Ma Iosepo aia na dalena a Heli;

Luka 4:22

Mi tana igira sui ara rongomia ara gini ganataa na goko doulaka aia e tsarigira. Mara tsaria, “?Laka e tau na dalena moa a Iosepo ngana?”

Ioane 19:25

Ara tu tuu varangi i ligisana na gai ulutaligu tana e tsautsau a Iesu, tugira ko Maria na tinana nogo, ma na tasina tinana aia ko Maria na savana a Klopas, maia goto ko Maria Madalena.

Marko 15:47

Mi kaira ko Maria Madalena ma ko Maria na tinana a Iosepo, ara ka tutuu tana, mara ka momoro, mara ka reia na nauna i tana ara moloa na konina a Iesu.

Galatia 1:19

Mau tau goto reia ke kesa na apostolo tavosi, a Iakobo lelee moa, aia na tasina na Taovia.

Luka 24:10

Mi tugirani nogo na daki: aia ko Maria Madalena, ma ko Joana, ma ko Maria na tinana Iakobo; tugira nogo kolugira goto visana na daki tavosi ara turupatuna na omea vaga ia vanigira na apostolo.

Isaia 49:7

Na God tabu, aia na vagamaurina na Israel, e goko vania nina maneaqo aia ara reisavi sosongolia igira na puku tavosi sui, me totu mala tseka vanigira na tinoni tagao, me tsarivani vaganana iani, “Igira na taovia tsapakae ma na tinoni lokiloki sauba kara morosigo igoe kalina ko totu tanusi, ma kara tû ma kara tsuporu tsuna i matamu tana kukuni. Na omea vaga iani sauba ke laba manana, rongona inau na Taovia na God tabu ni Israel au viligo nogo ko lia niqu maneaqo, me utu goto kau tau manalia na omea inau au vekenogoa vanigo.”

Luka 1:27

E adi turupatu baa vania kesa na baka daki siama ara anevaninogoa kesa na mane, a Iosepo na asana, aia na puku konina a David. Ma na asana na baka daki ia, ko Maria.

Marko 15:40

Mara visana na daki ara totu tana. Ara tutu ao tetelo, mara morosigira na omea ara laba. Mi laoqira na daki gira aia ko Maria Madalena, ko Maria ka tinaqira a Iakobo ma Iosepo, ma ko Salome.

Mateo 27:56

Mi laoqira na daki gira, ko Maria Madalena, ma ko Maria ka tinaqira a Iakobo ma Iosepo, ma ko Salome na tauna a Sebedi.

Linge 22:6

!Minau moa au tau nogo lia vaga sa tinoni, au vaga saikesa moa ti na meri lê, migira sui na tinoni ara peaau lê mara tsiri sosongoliau!

Ioane 9:29

Ami dona laka God e goko vania a Moses. !Ma na mane e talia na matamu igoe ami tau dona gami iava e talumai!”

Iude 1:1

Inau a Iude, inau kesa gana duli a Iesu Kristo ma na tasina a Iakobo, au mare baa vanigamu na leta iani. Igamu sui aia God Tamana e galuvegamu me viligamu, ma Iesu Kristo e reitutugugamu.

Luka 8:20

Maia kesa e tsarivania a Iesu, “Na tinamu mi tugira na tasimu ara tu mai tuu i tano, mara tu ngaoa na reiamu.”