Mateo 13:35 - Ghari

³⁵ Aia e gini nauvaganana ia, rongona ke gini manatovu na omea Isaia na propete e katemai idanogoa me tsaria: “Kalina inau kau goko vanigira, me sauba kau gini aqo moa na gokolia. Ma kau tsari makalia vanigira na omea ara totu popoi tuu mai nogo tana tuturigana na barangengo.”

Mateo 13:35 Referans Kwoze

Linge 78:2

Inau sauba kau gini aqo na tsaqina na gokolia tana sasaniamui, ma kau vuresia vanigamu na omea ara totu popoi tû i sau nogo,

Epesus 3:9

ma na saumakaliana vaniaqira na tinoni sui, laka e koegua tana God aia nogo e vusagira pipi na omea sui, e gini aqo nina papada e poia vanigira na tinoni tu mai nogo tana tuturigana.

1 Korint 2:7

Na sasaga loki vaga igami ami gini turupatuna vanigamu, aia nogo nina sasaga loki putsikae God e totu popoi i sau vanigira na tinoni. Ma na sasaga loki iani God e vangarau okanogoa, tuu kalina e tau vati botsa na barangengo, laka ke tusulea vanigita agana igita ka gini tsauliginia na mararana na mauri saliu.

Ioane 17:24

“!Mama! Igoe nogo o tusugira vaniau. Minau, au kilia laka i tana kau totu inau, kara totu koluau goto igira. Kara gini reivulagia niqu marara, na marara igoe nogo o tusuvaniau, rongona igoe o galuveau kalina e tau vati botsa moa na barangengo.

Amos 3:7

Ma na Taovia God aia e tau tavongani nausegenia sa omea ti vaga ke tau tsaritalua vanigira na propete igira nina maneaqo.

Mateo 25:34

Mi muri kau tsarivanigira igira ara totu tana madoaqu, ‘!Kamu mai igamu, aia na Tamaqu e reingaogamu! Kamu mai, ma kamu tamanina na verana aia God e vangarau manogatinogoa vanigamu, e tuu mai nogo kalina e botsa na barangengo.

Epesus 3:5

Tana tagu ida baa e tau labaivuilagia vaniigira na tinoni na omea vaga ia, ma God moa e tusuivulagia kalina eni ginia nina Tarunga Tabu vanigira nina apostolo migira na propete.

Isaia 42:9

Igira sui na omea inau au kate idanogoa laka sauba kara laba, ara laba sui nogo kalina ia. Mi kalina ia, minau sauba kau kate vanigamu na omea vaolu idavia ke labamai na taguna.”

Na Katemai 13:8

Migira sui na tinoni ara mauri i barangengo sauba kara samasama vania moa aia, igira moa tagara igira e totu na soaqira idavia na volana na barangengo i laona na papi na mauri e tamanina na Dalena Sipi aia ara labumatsinogoa.

Mateo 13:14

E gini laba vaga ia, rongona ke gini manatovu na omea Isaia na propete e katemai idanogoa kalina aia e tsaria na goko vaga iani: ‘Na tinoni girani sauba kara rorongo ma kara rorongo, me ke utu vanigira nomoa kara rongomigadovia; me sauba kara momoro ma kara momoro, me ke utu vanigira nomoa kara reiagadovia.

Linge 49:4

Me sauba kau tsarivanigamu ke visana na gokotabana. ma kau nusirongoqira vanigamu kalina au taia na itai tatangi.

Na Katemai 17:8

Na omea atsi loki igoe o reia, aia e mauri moa i votangana, mi kalina eni e tau nogo mauri; maia sauba ke visu datomaitugua talu tana qou loki i lao vasau, me ke vano vania na mate saliu. Migira na tinoni ara mauri i barangengo, me tau totu na soaqira i laona na papi na mauri idavia na volana na barangengo, sauba igira sui kara gini novo kalina kara morosia na omea atsi loki ia. Rongona aia e mauri i votangana, mi kalina eni e tau nogo mauri; maia sauba nomoa ke maurivisutugua.

Luka 10:14

Eo, mi tana Dani na Pede, sauba God ke galuvegira dodo baa na Tire ma na Sidon liusigamu igamu na Korasin ma na Betsaida.

Aqoaqo 15:18

Aia nogoria na omea e tsaria na Taovia, maia goto nogo e katevulagia na omea iani i sau nogo.’ ”

Hibru 1:1

Danga kalina i sau, me lelevoga tana vatana na sautu, God e goko vanigira na mumuada tana mangaqira na propete.

Mateo 5:2

Migira gana duli ara ba totu polia, maia e tuturiga na sasaniaqira, me tsarivaganana vanigira:

Mateo 13:3

Maia e gini aqo na gokolia, me turupatu vanigira danga na omea. Me tsarivaganana: “E kesa na mane e vano na rasavaginiana na vatuna na uiti i laona nina uta.