Mateo 12:48 - Ghari

⁴⁸ Ma Iesu e tsaria, “?Laka asei ia na tinaqu? ?Masei gira na tasiqu?”

Mateo 12:48 Referans Kwoze

Mateo 10:37

“Masei ti ke galuve sosongoliikaira na tamana ma na tinana liusia e galuveau inau, na tinoni vaga ia e tau ulagana aia ke lia gaqu duli inau. Masei ti ke galuve sosongoligira na dalena liusia e galuveau inau, maia goto e tau ulagana ke lia gaqu duli inau.

Luka 2:52

Me dato a Iesu, me loki babaa tana konina ma na sasagana, i matana God mi mataqira na tinoni.

Na Vaolusi Ketsa 33:9

Igira ara tau goto gaegira na tamaqira ma na tinaqira, na tasiqira ma na daleqira, rongona kara gini totukakai i konimu igoe. Igira ara muridougira nimu ketsa, mara taoni kalavatavia niqira tabana na vaitasogi kolugo.

2 Korint 5:16

Aia nogo na rongona ti tuu kailina eni me ke baa, igami ami tau pede segenia ke kesa tinoni muria niqira papada na tinoni lee. Atsa moa ti i sau ami pedeginia a Iesu Kristo muria niqira papada na tinoni lee. Mi kalina eni ami tau goto nauivagainana ia.

Luka 2:49

Ma Iesu e tuguvisua nina goko me tsaria, “?Egua kagamu ti amu ka lalaveau? ?Laka amu ka tau donaginia niqu aqo nogo inau kau totu tana valena na Tamaqu?”

Mateo 12:47

Me kesa vidaqira igira ara totu kolua a Iesu i laona na vale, e tsarivania a Iesu, “Ko reia, na tinamu migira na tasimu, ara tutuu i tano. Mara ngaoa kara goko kolugo.”

Mateo 12:49

Mi tana maia e tusugira baa gana duli me tsaria, “!Kamu reigira girani! !Igirani nogoria na tinaqu ma na tasiqu inau!