Mateo 12:18 - Ghari

¹⁸ “Iani nogoria niqu maneaqo au vilinogoa, aia au galuve sosongolia, me gini dou sosongo tobaqu na reiana. Sauba inau kau moloa niqu Tarunga i konina aia, maia sauba ke katevulagigira na omea inau au kilia kara naua igira na tinoni tana vera sui.

Mateo 12:18 Referans Kwoze

Isaia 42:1

Na Taovia e tsarivaganana iani, “Iani nogo niqu maneaqo au susuligasia, aia au vilinogoa me gini laoqu sosongo na reiana. Au dangali tovuginia niqu Tarunga rongona aia ke gini vaturia na pedegoto i laoqira na puku sui.

Luka 4:18

“Nina Tarunga Tabu na Taovia e totu i koniqu, maia nogo e viliau, gana kau adivanoa na Turupatu Dou vanigira na tinoni ara tau tamanina sa omea. Aia e molomaiau rongona kau tsarivulagia laka kara tanusi igira ara totu sosori, ma kara momorotugua igira ara koko, ma kara totu sabe igira ara bingi sekoligira,

Aqoaqo 10:38

Igamu amu donagininogoa a Iesu ni Nasaret, me koegua God e vilia me dangali tovuginia na susuligana ma na Tarunga Tabu. E liu pipi tana vera, me aqo galuve vanigira na tinoni sui, me maurisigira igira e totuvigira na susuligana na tidao seko, rongona God nogo e totu i konina.

Ioane 3:34

Aia moa God e molomaia, aia segeni moa e dona ke gini turupatuna na goko e talumai i konina God, rongona God e dangali tovuginia nina Tarunga Tabu.

1 Petero 2:4

Kamu mai i konina na Taovia. Aia nogo na vatu mauri ara tsoniligilea igira na tinoni, vaga moa ti na omea tagara sa rongona. Maia nogoria na vatu ia, God e padangaoa baa, me vilinogoa.

Isaia 52:13

Ma na Taovia e tsarivaganana iani, “Aia niqu maneaqo sauba nomoa ke managana tana nina aqo, me sauba kara padalokia ma kara tsonikaea.

Isaia 11:2

Nina Tarunga nogo na Taovia sauba ke totu i konina, maia ke gini sasaga loki, me ke dona na omea levolevo, gana na tagaovidouaqira nina tinoni. Maia sauba ke padagadovidoua na omea na Taovia e kilia ke naua, me ke kukuni loki tania,

2 Petero 1:17

Migami segenimami nogo ami totu kolua a Iesu Kristo kalina God Tamana e tsonikaea, mami rongomia kalina kesa na goko e talumai tana Marara Loki i Gotu me tsaria, “!Iani na dalequ galugaluve, au reingao sosongolia!”

Kolose 1:13

Aia nogo e maurisigita tania na susuligana na rodo e tangoli kaputigita i sau, me adigita baa tana verana na Dalena galugaluve,

Kolose 1:1

I kagami inau a Paulo ma Timoti na tasida, ami ka mamare baa vanigamu igamu nina tinoni God, ma ka tasimami tana nida mauripata koluana a Iesu Kristo, igamu amu totu i Kolose. Minau aia God nogo e viliau kau lia kesa nina apostolo a Iesu Kristo. Kagami ami ka nongia God na Tamada ke vangalaka vanigamu, me ke tusua vanigamu nina rago.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Aqoaqo 14:27

Mi kalina ara ka labavisutugua i Antiok, ara ka soasaigira na tinoni tutuni, mara ka turupatuna vanigira pipi na omea God e naua i laoqira, me koegua tana God e votisautuna vanigira goto na tinoni ni veratavosi mara gini tutunina.

Aqoaqo 11:18

Mi kalina igira ara rorongo vaga ia, mara gini tau goto tsonivoo tana vaitsari, mara soalokia God mara tsaria, “Vaga ia, ma God e sauvanigira goto na tinoni ni veratavosi na sautu tana kara gini padasavigira niqira sasi, ma kara gini tsaulia na mauri saliu.”

Luka 23:35

Migira na toga ara tutuu tana, mara momoro. Migira na taovia na Tsiu ara tuu goto tana, mara gilugana mara tsaria, “Aia e maurisigira rago na tinoni tavosi. !Eo, mi kalina ia, ka reia ti ke maurisi segenina goto, ti vaga aia nomoa na Mesia God e vilinogoa!”

Luka 9:35

Me tangi kesa na goko i laona na parako me tsaria, “!Iani na Dalequ, aia au vilinogoa, kamu rongomi mangana!”

Luka 3:22

ma na Tarunga Tabu e tsunamai i konina tana rereina na kulukulu. Me tangi kesa na goko e talumai i gotu me tsaria, “Igoe nogo na Dalequ galugaluve. Au reingao sosongoligo.”

Marko 9:7

Me tavongani laba kesa na parako, ma na ungana e tsavutugira. Me tangi kesa na goko i laona na parako me tsaria, “!Iani na Dalequ galugaluve, kamu rongomia mangana!”

Marko 1:11

Me talumai i gotu kesa na goko e tsaria, “Igoe na Dalequ galugaluve, au reingao sosongoligo.”

Mateo 17:5

Me gogoko vaga moa aia, me laba kesa na parako marara, me ungasitugira. Me tangi kesa na goko i laona na parako me tsaria, “!Iani na Dalequ galugaluve, au reingao sosongolia, kamu rongomia na gokona!”

Sekaria 3:8

Me vaga ia, mo ko rorongo dou igoe a Josua na Mane Tabu Loki. Ma kamu rorongo dou goto igamu sui na manetabu gana sasanga nogo aia, igamu amu lia vaga na papadana na mauri doulaka sauba ke laba tana tagu ke mai: Inau sauba kau adimaia i matamui kesa niqu maneaqo aia ara soaginia Na Arana Gai.

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.

Isaia 62:2

Migoe Jerusalem, sauba igira na puku sui kara reilakana gamu tangomana, ma niqira taovia tsapakae sui kara reia gamu loki tsapakae. Migoe sauba kara soaginigo kesa na asamu vaolu, aia segenina nogo na Taovia e tusuvanigo.

Isaia 53:11

Mi kalina ke pirugira sui nina rota, me sauba aia ke magemage tugua, me ke donaginia laka nina rota sui ara tau puala lê. Aia niqu maneaqo dou au reingao sosongolia, sauba ke kalagaia na kedena popono niqira sasi na tinoni danga, mi tana rongona nogo aia ti inau sauba kau veoligia niqira sasi.

Linge 89:19

I laona kesa na moro i sau nogo igoe o tsarivaganana vanigira nimu tinoni: “Inau au sanganogoa aia kesa na mane vaumate susuliga; mau tusuvaninogoa na sasana na totukae aia e kesa au vilinogoa i laoqira na toga.

Mateo 12:17

Aia e nauvaganana ia, rongona ke gini manatovu na omea aia God e tsarinogoa i sau, ma Isaia na propete e marea tana Papi Tabu,