Mateo 12:17 - Ghari

¹⁷ Aia e nauvaganana ia, rongona ke gini manatovu na omea aia God e tsarinogoa i sau, ma Isaia na propete e marea tana Papi Tabu,

Mateo 12:17 Referans Kwoze

Isaia 42:9

Igira sui na omea inau au kate idanogoa laka sauba kara laba, ara laba sui nogo kalina ia. Mi kalina ia, minau sauba kau kate vanigamu na omea vaolu idavia ke labamai na taguna.”

Ioane 12:38

E laba vaga ia rongona ke gini manatovu nina goko a Isaia na propete kalina aia e tsaria: “?Taovia, masei nomoa sauba ke tutunina na goko vaga igami ami gini goko vanigira? ?Laka i konina asei aia na Taovia e sauvulagia na susuligana?”

Mateo 21:4

E gini laba na omea vaga ia ke gini manatovu na omea e katemainogoa na propete kalina aia e tsaria:

Mateo 13:35

Aia e gini nauvaganana ia, rongona ke gini manatovu na omea Isaia na propete e katemai idanogoa me tsaria: “Kalina inau kau goko vanigira, me sauba kau gini aqo moa na gokolia. Ma kau tsari makalia vanigira na omea ara totu popoi tuu mai nogo tana tuturigana na barangengo.”

Isaia 44:26

Mi kalina niqu maneaqo inau e tû me katevulagia laka sauba ke laba kesa na omea, se kalina inau au moloa kesa niqu mane adigoko ke ba katevulagia na omea au vangaraua na nauana, minau nogo au manaligira sui na omea igira ara katemaia. Minau goto nogo au tsarivania na Jerusalem laka igira nina tinoni sauba kara visumai ma kara totuvitugua, me vanigira na verabau tana Juda laka sauba kara logovisugira tugua. Eo, inau nogo sauba kau turuvaginikaegira tugua na verabau girani ara totu piriutsa.

Aqoaqo 13:27

Igira na tinoni ara totu i Jerusalem, kolugira goto gaqira ida, ara tau reigadovia laka aia nogo na Vagamauri, mara tau goto padagadovia na gokoqira na propete ara tsokogira pipi tana Dani na Sabat. Mara manalia nomoa na gokoqira na propete kalina igira ara tuu mara pedematea a Iesu.

Ioane 19:28

Ma Iesu e dona nogo laka kalina tsotsodo nogo ia aia e suilavaginigira pipi sui nina aqo, me rongona ke gini manatovu na omea ara marea tana Mamare Tabu, te aia e tsaria, “Au marou.”

Ioane 10:35

Migita sui a dona laka na goko sui ara totu i laona na Mamare Tabu ara mana saviliu. Migira nogo na tinoni God e sauvanigira nina goko tana Mamare Tabu igira nogoria aia e soaginigira na god.

Luka 24:44

Mi muri, maia e tsarivanigira: “Igirani saikesa nogo na omea au gokogini vanigamu kalina inau au totu moa kolugamu: na omea sui ara maregira tana rongoqu nogo inau tana nina Ketsa a Moses, mi tana niqira mamare na propete, mi tana Linge Tabu goto, niqira aqo nomoa kara labatovu.”

Luka 21:22

Na rongona na dani vaga gira, ‘Na Dani na Gadovi Pede’ gana ke gini manatovu na omea ara marenogoa tana Mamare Tabu.

Mateo 8:17

A Iesu e nauvaganana ia, gana ke gini manatovu na omea e katemai idanogoa a Isaia na propete kalina e tsaria, “Aia segenina nogo e adiligigira gada vatsangisavi, me maurisigita tanigira gada lobogu.”

Mateo 12:16

Maia e maurisigira sui igira ara lobogu, me parovatavigira laka kara tau tsarivulagia vanigira na tinoni tavosi tana rongona aia.

Mateo 12:18

“Iani nogoria niqu maneaqo au vilinogoa, aia au galuve sosongolia, me gini dou sosongo tobaqu na reiana. Sauba inau kau moloa niqu Tarunga i konina aia, maia sauba ke katevulagigira na omea inau au kilia kara naua igira na tinoni tana vera sui.