Mateo 11:3 - Ghari

³ Migira ara baa mara veisuaa, “?Ko tsarivanigami laka ti igoe nogoria aia kesa a Ioane e gini goko vanigami, me tsaria laka e kesa sauba ke mai? ?Se laka igami kami pipitua ke kesa segeni?”

Mateo 11:3 Referans Kwoze

Ioane 11:27

Maia ko Marta e tsaria, “!Eo Taovia, inau au tutunina laka igoe nogo na Mesia, na Dalena God, aia nogo God e vekea laka ke mai i barangengo!”

Malaki 3:1

Maia na Taovia Susuliga Sosongo e gokovisu me tsaria, “Inau sauba kau molo bâ niqu mane adigoko ke vangarau vaniau niqu sautu. Mi tana ti na Taovia aia igamu amu lalavea, sauba ke tavongani labamai tana nina Vale Tabu. Maia na mane adigoko igamu amu pipitu sosongolia, sauba nomoa ke labamai me ke katevulagi vanigamu niqu taso.”

Hibru 10:37

Vaga ara marenogoa tana Mamare Tabu laka God e tsaria: “Tagara ke tau oka sagata, maia kesa laka ke mai sauba ke mai manana; me utu goto ke kisaa.

Mika 5:2

Ma na Taovia e tsaria, “Igoe Betlehem Eprata, igoe kesa o palatsuna i laoqira na vera sui tana Juda, mi laomu nogo igoe, sauba ke botsamai kesa na ida loki, maia nogo sauba ke tagaovigira na Israel, ma na vungu konina ia e tu mai nogo i oka.”

Ioane 7:31

Mara danga nomoa i laoqira na toga ara tutunina mara tsaria, “?Sauba ti kalina ke mai na Mesia, me laka sauba aia ke naugira goto ke danga baa na valatsatsa liusia e naugira na mane iani?”

Ioane 6:14

Mi kalina ara morosia na valaitsatsa loki iani a Iesu e naua, ma na toga tana ara tsaria, “!E mana saikesa, iani nogo na Propete vaga a Moses e katevulagia laka sauba ke labamai i barangengo!”

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Tuturigana 3:15

Me sauba kau naua ma kamu ka vaireisavigi kagamu igoe ma na daki; ma na dalena aia ma na dalemu igoe sauba kara ka vaigalagi sailagi. Ma na dalena aia sauba ke tsogori rutua na lovamu, migoe sauba ko gatia na bobouna na tuana.”

Ioane 16:14

Aia sauba ke tsonikaeau inau, rongona sauba ke adigira na omea sui inau au ngaoa na tsariana, maia ke tsarigira vanigamu.

Ioane 12:13

Te ara adia na gabana na koirou, mara ba valalea i sautu. Mara guguu dato, “!Soalokia God! !Soadoua aia e mai tana asana na Taovia! !God ke tabua na Taovia Tsapakae ni Israel!”

Ioane 4:21

Ma Iesu e tsarivania na daki, “Ko tutuniqu, daki igoe, rongona tana tagu sauba ke mai, kara tau goto samasama vania God na Tamada ieni tana vungavunga ni Samaria, ma kara tau goto samasama vania i Jerusalem.

Luka 19:38

Mara tsaria, “!Ka soadoua na taovia tsapakae, aia e mai tana asana na Taovia! !Kara mage tana rago igira i gotu! !Ka soalokia God i gotu vasau!”

Marko 11:9

Migira na toga ara idaida vania a Iesu tana sautu, ma na toga ara tsatsari mai i muri, migira sui ara tuturiga na guguu, “!Ka soalokia God! !Ka soadoua aia e labamai tana asana na Taovia!

Mateo 21:9

Migira na toga ara idaida vania a Iesu tana sautu, ma na toga ara tsatsarimai i murina. Migira sui ara tuturiga na gugu dato, mara tsaria, “!Soalokia na Dalena a David! !Ka soadoua aia e labamai tana asana na Taovia! !Ka soalokia God!”

Mateo 21:5

“Tsari vaganana vanigira na tinoni ni Sion, Kamu reia baa aia nimui taovia tsapakae e maimai. E molotsunali segenina, me totukae i gotuna na asi daki e dulikolua na dalena.”

Malaki 4:2

Migamu na tinoni amu rongomangaqu inau, sauba na susuligaqu gana na tusumauri ke sinarigamu vaga na aso, ma na lalaina ke maurisiginigamu. Me sauba kamu totu tanusi ma kamu magemage vaga moa na dalena buluka kalina ara sangavi vanigira na matsapana na baraqira, mara gini mage na rutsu ma na ulo bamai i taba.

Hagai 2:7

Ma kau tuliusigira na puku sui, migira niqu tinoni kara laugira niqira omea loki matena, ma kara adimaigira ieni, ma kara dangaliginia niqu Vale Tabu.

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Isaia 7:14

Eo, me dou moa. Sauba na Taovia segenina nogo ke sauvulagi vanigo kesa na padapada: sauba kesa na baka daki ke tiana, maia ke vasua kesa na dalena mane, me ke soaginia a ‘Emanuel.’

Linge 118:26

!Aia God ke soadoua aia e mai tana asana na Taovia! Tû tana nina Vale Tabu na Taovia igami ami soadougo.

Tsoko Tinoni 24:17

Mau morosi bâ tana tagu ke mai i muri, mau reia na puku loki na tinoni ni Israel. E kesa na taovia tsapakae, aia ke maka vaga moa na veitugu, sauba ke tukae i laona na puku loki ia. Sauba aia ke tû i Israel me ke mai labu pukaligira niqira ida na Moab, me ke tsogori tsunagira sui na dalena a Set.

Tuturigana 49:10

A Juda sauba ke tangolikakaia nina itoro na taovia tsapakae, Migira na kukuana sauba kara tagao saviliu, poi tsau kalina ke laba mai na tamanina. Migira na puku tavosi sauba kara adimai vania niqira vangalaka, Ma kara rongomangana.

Tuturigana 12:3

Inau sauba kau soadougira sui igira ara soadougo igoe, ma kau vealaginigira igira sui ara vealaginigo. Mi tana rongomu nogo igoe ti inau kau vangalaka vanigira na puku sui tana barangengo.”

Mateo 11:4

Ma Iesu e gokovisu vanigira me tsaria, “Kamu visu baa i konina a Ioane, ma kamu turupatu vania na omea amu rongomia, ma na omea amu morosia:

Mateo 11:10

Rongona God segeni nogo e gini goko tana rongona a Ioane kalina aia e tsaria tana Mamare Tabu: ‘Inau sauba kau molo baa niqu mane adigoko, maia sauba ke ida vanigo, me ke vangaraua na sautu vanigo.’