Mateo 11:10 - Ghari

¹⁰ Rongona God segeni nogo e gini goko tana rongona a Ioane kalina aia e tsaria tana Mamare Tabu: ‘Inau sauba kau molo baa niqu mane adigoko, maia sauba ke ida vanigo, me ke vangaraua na sautu vanigo.’

Mateo 11:10 Referans Kwoze

Malaki 3:1

Maia na Taovia Susuliga Sosongo e gokovisu me tsaria, “Inau sauba kau molo bâ niqu mane adigoko ke vangarau vaniau niqu sautu. Mi tana ti na Taovia aia igamu amu lalavea, sauba ke tavongani labamai tana nina Vale Tabu. Maia na mane adigoko igamu amu pipitu sosongolia, sauba nomoa ke labamai me ke katevulagi vanigamu niqu taso.”

Isaia 40:3

Me tangi laba kesa na goko me tsaria, “!Vangarau manogatia kesa na sautu loki vania na Taovia i laona na kaomate! !Gotolia na nauna i tana ke liu nida God!

Malaki 4:5

“Mi tana idana ke labamai nina Dani na Taovia, aia na dani loki mamataguniga, minau sauba kau molomai vanigamu a Elia na propete.

Marko 1:2

Aia e tuturiga vaga nogo e marea a Isaia na propete me tsaria, “God e tsaria, ‘Sauba kau moloa niqu tabegoko ke idavigo, me ke vangarau sautu vanigo.’

Ioane 1:23

Ma Ioane e gini gokovisu nina katemai a Isaia na propete, me tsarivanigira, “ ‘Inau na liona kesa e guguu tana legai mangu: !Kamu gotosia na sautu tana ke liu na Taovia!’ ”

Mateo 3:3

A Ioane aia nogo na mane a Isaia na propete e gini goko tana rongona kalina aia e tsaria: “E kesa e guguu i laona na legai mangu me tsaria: ‘!Vangarau manogatia na sautu vania na Taovia, gotolia na nauna tana aia ke liu!’ ”

Mateo 11:3

Migira ara baa mara veisuaa, “?Ko tsarivanigami laka ti igoe nogoria aia kesa a Ioane e gini goko vanigami, me tsaria laka e kesa sauba ke mai? ?Se laka igami kami pipitua ke kesa segeni?”

Mateo 11:11

“Eo, au tsarimakali vanigamu, laka a Ioane Batista aia e loki tsapakae liusigira igira sui ara vasugira ida nogo. Maia moa na tetelona baa i laona na Verana God, aia e loki liusia baa nomoa a Ioane.

Luka 1:76

Migoe na dalequ, sauba kara soaginigo nina propete na Taovia nida God. Migoe sauba ko ida vania na Taovia, mo ko votisautu vania,