Marko 8:8 - Ghari

⁸ Migira sui ara mutsa mara masu dou sui. Igira ara gana ngongo vati na toga na tinoni.

Marko 8:8 Referans Kwoze

Mateo 16:10

?Ma nagua e laba tana rongona ara vitu moa na bredi ara gania vati na toga na tinoni? ?Me visa na kei amu dangaliginia na tsarana na mutsa igira ara masu tania?

Linge 145:16

Igoe o vangalaka sosongo vanigira na tinoni sui mo vanigira na omea e tugugira sui.

Ioane 6:27

Kamu laka na aqo matena moa na mutsa aia e dona ke voko me ke nolu lee. Kamu aqo matena na vatana na mutsa aia e dona ke totu saviliu tsau tana mauri saliu. Ma na vatana na mutsa vaga ia, inau na Dalena Tinoni sauba kau saua vanigamu. Aia nogoria na rongona pukuga te God na Tamaqu e mologiniau.”

Luka 1:53

E masuliginigira na omea dou igira ara vitoa, me railigigira lee igira ara tamani levo.

Mateo 14:20

Migira sui ara mutsa mara masu dou sui. Mi kalina ara mutsa sui, migira gana duli a Iesu ara tsakokolugira na tsarana na mutsa, mara dangaliginigira sangavulu ruka na kei.

Mateo 15:37

Migira sui ara mutsa, mara masu dou sui. Mi kalina ara mutsa sui, migira gana duli a Iesu ara tsakokolugira na tsarana na mutsa, mara dangaliginigira vitu na kei.

Marko 8:9

Mi kalina ara mutsa sui, migira gana duli ara tsakokolugira na tsarana na mutsa, mara dangaliginigira vitu na kei. Mi muri, ma Iesu e mologira na tinoni kara visu i veraqira.