Marko 6:48 - Ghari

⁴⁸ Me morosigira gana duli ara rota sosongo na vosevose, rongona na guguri e palamai i nago, ma na uaqa e tsonisuu sosongo. Mi tana varavi dani, ma Iesu e pidikagira gana duli, me liliumai tana rarauna na tasi. Me laka ke vano saviliu,

Marko 6:48 Referans Kwoze

Luka 24:28

Mara tu maitsau varangisia na vera i tana ara tu sulungana, ma Iesu laka ke vavano saviliu moa.

Luka 12:38

!E dou manana vanigira igira ti vaga aia ke mai, me ke reia laka ara totupitua atsa moa ti aia ke labamai tana levugata, se tana tagu sui moa!

Nina Papi A Job 9:8

God segeni moa e tatakatsinia na baragata, me tsotsokae i kelaqira na panu loki.

Ioane 1:13

Ara tau gini lia na dalena God tana nina kili sa tinoni, me tau goto vaga kesa na baka e talu tana ka gabuqira na tamana ma na tinana. Tagara. God segeni moa nogo aia na Tamaqira.

Mateo 14:24

Mi tana tagu ia, na uaqa e votu ao nogo i mao tana reku. E likelike bamai tana panu, rongona e mai kakai sosongo na guguri me gadovia.

Isaia 54:11

Ma na Taovia e tsarigotoa, “Igoe Jerusalem, na verabau o rota sosongo me tagara ke kesa ke sangago se ke verego. Minau nogo sauba kau pakaginitugua na vatu angaanga na papakamu.

Linge 104:3

mo logoa na valemu i kelana na ko loki i gotu. O gini aqo na parako mala vaga nimu terê, mo sagekae i kelana na rapona na guguri.

Linge 93:4

Migoe Taovia o susuliga sosongo i gotu i baragata, susuliga liusia bâ na kararana na baro i levugana na kema, susuliga liusia bâ na panuna na tasi.

1 Samuel 11:11

Mi tana bongi nogo ia, maia Saul e votagira nina mane vaumate i laona e tolu na alaala, mi tana matsaraka rovorovo dani ngana, migira ara ulo ba tsaku tana ara totu igira na Amon, mara labugira. Mi kalina e tsau tana niasovota, migira ara labumatesigira sui nogo. Migira moa visana vidaqira na Amon ara tau mate, mara viri tsogo saranga bamai, pipi kesa vidaqira e tsogo segenina.

Tuturigana 32:26

Ma na mane e tsaria, “Ko mololeau inau ma kau vano; e vovomai nogo na dani.” Ma Jakob e tsaria, “E utu kau mololego poi ko tabuau talu.”

Tuturigana 19:2

me tsaria, “Taovia kagamu, inau ieni gana kau sangakagamu. Au nongikagamu kamu mai i valequ. Ma kamu ka vulia ka tuamui ma kamu ka maturu ieni ke bongi. Me ke matsaraka ti kamu ka mamata bongibongi ma kamu ka vano tana amu ka sulungana.” Mi kaira ara ka tsarivania a Lot, “Tagara, i kagami sauba kami ka maturu moa ieni tana pakokana na verabau ieni.”

Binaboli 14:24

Mi tana matsaraka rovorovo, ma na Taovia aia e totu tana parako mi laona na ketsuma na lake iruiru, e morotsuna bâ i koniqira na alaala na malagai ni Ejipt, me gini kaso na tobaqira mara viri tsogo saranga bamai.

Mateo 24:43

Me vaga goto ti kesa na tamanina na vale, maia ke donaginia na tagu tana sauba ke mai kesa na mane komi. Maia sauba nomoa e utu ke maturu. Ke totu mamata saviliu moa, me ke pipitu. Me sauba ke tau tamivania na mane komi ke ratsia na valena.

Marko 6:47

Me bongi nogo, me tsotsobo moa na uaqa i levugana na reku, ma Iesu e tototu segenina moa i one.

Marko 6:49

migira ara reia e liu tana rarauna na tasi, mara pada laka na tidao, mara qenaa, “!Ae! !Tugamuna! !Kesa na tidao e mai!”

Marko 13:35

“Vaga ia, ma kamu parovata manana nomoa, rongona amu tau donaginia na tagu i tana ke visumai na tamanina na vale. E tau utu ngatsu ke labamai tana ngulavi, se tana levugata, se tana matsaraka rovorovo, se kalina e vasini botsa na aso.