Marko 4:40 - Ghari

⁴⁰ Ma Iesu e tsarivanigira gana duli, “?Egua te amu matagu vaga sagata ia? ?Laka amu tau vati tutunina moa?”

Marko 4:40 Referans Kwoze

Luka 8:25

Maia e tsarivanigira gana duli, “?Iava nimui tutuni igamu?” Migira gana duli ara ganataa mara matagu, mara vaigokovigi segeniqira mara tsaria, “?Asei mane sagata ngana? !Aia e goko vanikaira na guguri ma na tasi, mara ka rongomi mangana!”

Mateo 8:26

Ma Iesu e tsarivanigira, “?Egua te amu matagu vaga sagata ia? !Na vainga tetelo sagata nimui tutuni igamu!” Maia e tutsau, me goko vania na guguri ma na tasi, me tavongani beata mate.

Mateo 14:31

Me tsaku a Iesu e tangolia na limana a Petero, me savokaea me tsarivania, “!Na vanga tetelo sagata nimu tutuni igoe! ?Megua ti o tau noruau?”

Mateo 16:8

Ma Iesu e donagini segenina na omea igira ara gini vaigokovigi dodo. Te e veisuagira, “?Egua vaga ti amu gini vaigokovigi segenimui tana rongona igamu amu padalea na adiana na bredi? !Ma na vanga tetelo sagata nimui tutuni igamu!

Isaia 43:2

Mi kalina ti vaga kamu tulusavu tana kô mao, inau sauba kau totu kolugamu; ma na tatarina na kô e utu ke lumigamu. Mi kalina ti vaga kamu liu bâ i laona na lake me sauba e utu ke ganigamu, ma na iruna e utu goto ke iruvigamu.

Mateo 6:30

Eo, God nogo aia e maurisigira mara rerei dou na buruburu atsi ni legai – igira ara mauri i dani eni me ke dani kara mate, ma kara kodogira lee. ?Ma nagua amu pada igamu, laka God aia e aragogira dou na buruburu girani, me laka aia ke tau goto aragogamu dou baa igamu? !Na vanga tetelo lee sagata nimui tutuni igamu!

Isaia 42:3

Me utu goto ke kutsia sa ade e taboku kaukau nogo, se ke uvimatesia sa lake e vurumate lê nogo na iruna. Maia sauba nomoa ke vaturia na pedegoto i laoqira na tinoni sui.

Marko 4:41

Migira ara matagu mate, mara vaigokovigi mara tsaria, “?Asei mane sagata ngana? !Atsa moa na guguri ma na tasi mara ka rongomi mangana!”