Marko 4:28 - Ghari

²⁸ Na kao segeni nogo e maurisia na vatuna na sila me gini dato me molo vuana; e ida e dato na kutsuna, mi muri e molo vuana boruboru, mi muri tsotsodo e laba na vunguna laka, me danga na vatuna konina.

Marko 4:28 Referans Kwoze

Hosea 6:3

Ida gita ma ka tovokakaia na donaginiana na Taovia. Maia sauba ke mai manana nomoa i konida, vaga nogo na mararana na dani male, me vaga goto na usa e malobusia na kao.”

Kolose 1:10

Mi tana ti igamu kamu gini tangomana na mauri vaga na Taovia e ngaoa, ma kamu nausailaginia na omea e dou i matana. Ma kamu gini madodo pipi sui tana vatana na aqo na galuve vanigira na tinoni, ma kamu dato babaa tana donadouginiana God.

Pilipi 1:6

Mau dona laka God, aia nogo e tuturiga nina aqo dou i laomui sauba ke nau babaa, poi ke tovusia tana Dani i tana a Iesu Kristo ke visumaitugua.

Mateo 13:26

Mi kalina ara kutsu mara dato na uiti mara tuturiga na vua, mara datosai kolua goto na lei.

Isaia 61:11

Vaga na kao lakataga e naua me gini dato dou na omea tsukatsuka, ma na uta e gini koli me poko dou, me vaga goto na Taovia God sauba ke suivisugira nina tinoni. Migira na tinoni pipi tana vera sui kara tsonikaeginia.

Sasani Sasaga 3:11

Aia e titia na tagu dou vania pipi sui na omea. Maia goto e moloa i tobada na kili gana ka donaginia na omea sauba kara laba i muri, me utu nomoa vanigita ka padagadovidougira popono na aqo sui God e naua tû tana tuturigana me tsau tana susuina.

Sasani Sasaga 3:1

Pipi sui na omea ara laba i laona na barangengo iani ara laba tana tagu God e titi vanigira nogo.

Goko Tabana 4:18

Na sautu ara muria igira e gotolaka niqira sasaga e vaga nina dato na aso, e marara babâ poi tsau kalina e marara male.

Linge 1:3

Aia e vaga moa ti kesa na gai e vovodato i ligisana na ko tsatsali, me gini molo vuana dou tana tagu laka, me tau goto dona ke matsele lê na rauna. Maia na tinoni vaga ia e tangomana sailagi pipi tana aqo sui e naua.

Tuturigana 2:9

Me aqosigira goto pipi sui na vatana na gai rerei dou sosongo kara dato tana ma kara molo vuaqira dou. Mi levugana patupatu na uta ia e tû na gai na tusu mauri, ma na gai na tusu sasaga gana na donaginiana na omea e dou ma na omea e seko.

Marko 4:27

Mi tana bongi aia e maturu, mi tana dani e naugira levo nina aqo. Ma na vatuna sila e vovo me dato dodo. Maia e tau dona e koegua te e vaga.

Marko 4:29

Mi kalina e ganoga nogo na sila, ma na mane tamanina na uta e mai, me pitsugira na vuana, me kaviginigira nina gau na gaina, rongona e laba nogo na tagu na pipitsu.”