Marko 16:13 - Ghari

¹³ Mi kalina kaira ara ka laba visutugua i koniqira kagagira duli tavosi, mara ka turupatu vanigira tana rongona laka ara ka reia na Taovia, migira ara tau goto tutunina.

Marko 16:13 Referans Kwoze

Ioane 20:25

Mara tsarivania, “!Igami ami reinogoa na Taovia!” Ma Toma e tsaria, “Ti vaga inau kau tau reia na sasana na nila i limana ma kau tau moloa na kakauqu i laona, ma kau tau goto moloa na limaqu tana ovana na katsarana, e utu kau tutunina.”

Ioane 20:8

Ma gana duli tavosi, aia e idalaba, e sage goto tana vatuluma, me reia me tutunina.

Luka 16:31

“Ma Abraham e tsarivania, ‘Me ti vaga tugira kara tu tau nogo rongomangaqira a Moses migira na propete, me sauba kara tu tau goto tutunina, atsa moa ti ke kesa ke maurivisutugua tania na mate me ke ba laba tu koniqira.’ ”

Mateo 28:17

Mi kalina ara reia a Iesu, mara tsuporu sui mara samasama vania, atsa moa ti visana vidaqira ara tobaruka moa.

Marko 16:11

Mi kalina ara rongomia aia e tsaria laka e maurivisutugua a Iesu, me laka aia e morosilakana nogo, migira ara tau moa tutunina.

Marko 16:14

Mi tana susuina tsotsodo, ma Iesu e laba vanigira na sangavulu kesa gana duli kalina ara mutsa kolu. Me totosasaga kakai vanigira, rongona ara tau tutunina, mara tobakakai sosongo, mara sove na tutunina niqira goko visana gaqira duli, mi tugira na daki ara tu reilakana kalina aia e mauri tugu.

Luka 24:11

Migira na apostolo ara pada laka na daki ara goko bubulega le moa, mara tau tutunina niqira goko.

Luka 24:41

Mara magemage loki igira, mara novo moa, mara tau moa vati tutunina kalavata. Ma Iesu e veisuagira, “?Laka amu tamanina sa mutsa ieni?”