Marko 15:34 - Ghari

³⁴ Mi tana tolu, ma Iesu e gudato me tsaria, “?Eloi, Eloi, lama sabaktani?” Ma na rongona na goko vaga ia, “?Niqu God, niqu God, e gua ti o mololeau?”

Marko 15:34 Referans Kwoze

Linge 22:1

?Niqu God, niqu God, egua sagata kiki ti o tsonileau? Inau au ngangai savosavo bâ i konimu, ?megua ti o tau sangaau?

Mateo 27:46

Mi tana varangi na tolu na aso, ma Iesu e gudato me tsaria, “?Eli, Eli, lema sabaktani?” Ma na rongona na goko vaga ia, “?Niqu God, niqu God, egua ti o mololeau?”

Hibru 5:7

Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

Linge 27:9

!Ko laka goto na totu popoi taniaqu!” Ko laka na kore vaniaqu; ma na tsialigiaqu lê inau nimu maneaqo. Igoe nogo o sangaau tû i sau nogo; vaga ia, mo ko laka goto na mololeaqu ma na tsonikidaqu, igoe nogo niqu God ma niqu vagamauri.

Linge 71:11

Ara tû mara tsarivaganana, “Kamu reia bâ ia, God e vanoligi taninogoa. Ida gita ma ka takuvia ma ka tangolia. E tagara nogo ke kesa ke laumaurisia tanigita.”

Daniel 9:21

Mi kalina au nonginongi moa, ma na angelo Gabriel, aia au reinogoa tana kesanina bolebole, e lovo tsunamai i tana au tototu. Mi tana tagu ia na tagu nogo na savori kodoputsa na ngulavi.

Isaia 41:17

“Mi kalina igira niqu tinoni kara marou ma kara lave kô, ma na lioqira ke gini mamatsa na ngao inu, mi tana ti inau na Taovia sauba kau rongomia niqira nonginongi. Inau na God ni Israel sauba e utu saikesa kau tsonilegira.

Linge 42:9

Au tû, mau tsarivania God aia e reitutuguau, “?Matena gua te o padaleau igoe? ?Egua vaga ti niqu aqo moa inau kau tsodorota babâ vaga ia tana niqira tobaseko ara naua vaniau igira gaqu gala?”

Aqoaqo 10:3

Mi tana tolu na kiloko kesa tana ngulavi, maia e reia e tavongani laba malemale vania kesa nina angelo God me tsarivania, “!Kornelius!”

Luka 23:46

Ma Iesu e guloki me tsaria, “!Mama! !Tana limamu igoe au livua na tidaoqu!” E tsarivaganana ia, me matepitsu.

Luka 23:44

Mi tana gana ngongo na niaso vota, me tau nogo sina maka na aso, ma na rodo e tsavua na vera popono, poi tsau tana tolu kiloko tana ngulavi.

Tangitangi 5:20

?Ma na rongona gua ti o tsonilegami mo padalegami oka vaga sagata ia?

Tangitangi 1:12

Maia e tsarigotoa vanigira igira sui ara liuputsi i tana: “!Kamu morosiau inau! E tagara goto sa tinoni ke vatsangia na rota loki vaga au vatsangia inau, na rota aia na Taovia e moloa ke gadoviau tana nina tobamomosa loki.

Mateo 27:45

Mi tuu tana niaso vota, ma na rodo e tsavua na vera popono, me tsau tana tolu na aso.

Marko 15:25

Me tangi nogo na siu kiloko tana matsaraka kalina ara pogaa a Iesu tana gai ulutaligu.

Marko 15:35

Me visana vidaqira na tinoni ara totu tana, ara rongomia aia e goko vaga ia, mara tsaria, “!Rorongo! !Aia e soaa a Elija!”