Marko 15:32 - Ghari

³² !Ida ma ka reia ti na Mesia, aia nida Taovia Tsapakae igita na Israel, ke tsunamai tania nina gai ulutaligu kalina eni, ma ka gini tutunina!” Mi kaira goto na tukatso ara pogakaira kolua a Iesu tana, ara ka peavaganana goto ia.

Marko 15:32 Referans Kwoze

Mateo 27:44

Mi kaira goto na tukatso ara pogakaira kolua a Iesu tana, ara ka pea vaganana goto ia.

2 Timoti 2:18

Ara ka tau nogo muria na sautu mana, mara ka tsaria laka igita a maurivisu sui nogo. Mi tana goko vaga ia, kaira ara ka tubulaginia niqira tutuni visana na tinoni.

Mateo 1:17

Me vaga ia, mara sangavulu vati na vatavata, tuu i konina a Abraham, me tsau baa i konina a David. Mara sangavulu vati na vatavata tuu i konina a David, me tsau baa tana tagu igira na tinoni ara tsinogo vano i Babilon. Mara sangavulu vati goto na vatavata e tuu i tana, me tsau baa kalina e botsa na Mesia.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Sepania 3:15

Aia na Taovia e suilavaginigira nogo na kede sui ara gadovigamu; me matesiligigira pipi sui gamui gala. Na Taovia, aia na taovia tsapakae ni Israel, e totu kolugamu; me tagara nogo sa nimui rongona kamu gini matagu kalina ia.

Isaia 44:6

Na Taovia, aia e tagaovigira me reitutugugira na tinoni ni Israel, aia na Taovia Susuliga Sosongo e tsaria na omea iani: “Inau nogo na kesanina ma na susuina, me tagara goto sa god tavosi, inau segeni lelê moa au God.

Roma 3:3

?Me ti vaga ara visana vidaqira na Tsiu ara tau manalia na omea ara vaitasogi kolua God? ?Megua, laka amu pada ngatsua aia God sauba e utu ke manalia nina tabana na taso?

Ioane 12:13

Te ara adia na gabana na koirou, mara ba valalea i sautu. Mara guguu dato, “!Soalokia God! !Soadoua aia e mai tana asana na Taovia! !God ke tabua na Taovia Tsapakae ni Israel!”

Ioane 1:49

Me novo a Nataniel me tsaria, “!Ei, Taovia, igoe manana na Dalena God! !Igoe nogo nimami Taovia Tsapakae igami na Israel!”

Marko 15:26

Mara marea kesa tana pava na goko vaga iani: “Iani Niqira Taovia Tsapakae na Tsiu.”

Mateo 27:42

“!Eo, aia e maurisigira rago na tinoni tavosi, me utu lelee vania ke maurisi segenina! ?Me laka niqira Taovia Tsapakae nogoria igira na Israel ngana? !Me ti aia nogo ia, me ke tsunamai tania na gai ulutaligu kalina ia, migita ka gini tutunina!

Marko 15:27

Mi muri, mara pogakaira goto ruka na tukatso kolua a Iesu, kesa tana madoana, me kesa tana maulina.