Marko 15:29 - Ghari

²⁹ Migira na tinoni ara liuputsi tana nauna ia, ara lengulengu lovaqira vania a Iesu, mara tsirigana mara tsarivania: “!Igoe nogo ri o tsaria laka ko toroveoa na Vale Tabu, mo ko logovisutugua i laona ke tolu moa na dani!

Marko 15:29 Referans Kwoze

Marko 14:58

“Ami rongomia ngana e tsaria, ‘Sauba kau toroveoa na Vale Tabu iani e aqosia moa na limana tinoni, me ke tolu na dani i muri minau kau logo visutugua ke kesa, aia e tau aqosiginia na limana tinoni.’ ”

Linge 109:25

Mi kalina igira na tinoni ara morosiau, mara kiataginiau moa, mara lengulengu lovaqira vaniau.

Tangitangi 2:15

Igoe Jerusalem, igira sui na tinoni ara liuputsi tanigo ara reipeago moa. Mara viruviru lovaqira mara kiataginigo. Mara tsaria, “?Laka iani nogoria na verabau rereidou sosongo ara gini magemage na barangengo popono tana rongona ri iani?”

Tangitangi 1:12

Maia e tsarigotoa vanigira igira sui ara liuputsi i tana: “!Kamu morosiau inau! E tagara goto sa tinoni ke vatsangia na rota loki vaga au vatsangia inau, na rota aia na Taovia e moloa ke gadoviau tana nina tobamomosa loki.

Mateo 26:61

“Na mane iani e tsarivaganana ni, ‘Inau tangomana kau toroveoa nina Vale Tabu God, me ke tolu na dani i muri ma kau logovisutugua.’ ”

Linge 69:26

Ara rotasigira igira igoe o kedegira nogo; mara gini gogoko tana rongona niqira rota igira igoe nogo o bokaligira.

Linge 69:7

Tana rongomu nogo igoe te ara gini goko peapea vaniau inau, mau gini vangamâ sosongo.

Marko 15:28

Ke gini manatovu na tsaqina na Mamare Tabu i tana ara marea, “Ara tsokosaia kolugira na tukatso.”

Marko 15:30

!Baa, ko maurisi segenimu kalina ia, mo ko tsunamai tania na gai ulutaligu!”