Marko 15:15 - Ghari

¹⁵ Ma na rongona moa a Pilate e ngaoa ke mage na tobaqira na toga, te e nusile vanigira a Barabas. Mi muri, maia e moloa a Iesu vanigira nina mane vaumate kara ramitsia, ma kara pogalobatia tana gai ulutaligu.

Marko 15:15 Referans Kwoze

Ioane 19:1

Mi tana, maia Pilate e saua a Iesu vanigira nina mane vaumate kara ramitsia.

Mateo 27:26

Te e tuu a Pilate, me nusilea vanigira a Barabas. Me molo baa a Iesu vanigira nina mane vaumate kara ramitsia, ma kara pogalobatia tana gai ulutaligu.

Isaia 50:6

Mau tamivanigira na gotuqu gana kara ramitsia. Mau tau goto tukapusigira kalina ara gokopea vaniau, mara tatavutia na ivuna na ngolaqu, mara tsuvelia na mataqu.

Marko 10:34

Migira sauba kara gilugaqu, ma kara tsuveliau, ma kara ramitsiau, ma kara matesiau. Mi tana tolunina bongi i muri minau sauba kau maurivisutugua.”

Goko Tabana 29:25

Me ti vaga ko gini boe sosongo na omea ara padavanigo na tinoni tavosi, me sauba ke lia gamu taviti, me ti vaga igoe ko norua moa na Taovia, me sauba ko totu raviravi dou.

Linge 129:3

Ara ramitsia na gotuqu me viri kukubuabua vaga moa na rereina na tavugi ara ovua tana uta.

1 Petero 2:24

Tana konina segeni nogo, a Iesu Kristo e kalagaigira nida sasi tsau tana mateana tana gai ulutaligu, rongona ti igita ka gini tangomana na mate taniaqira nida sasi, ma ka gini mauri muria moa nina kili God. I tana bokana nogo a Iesu, ti igamu amu tsodoginia na mauri.

Ioane 19:16

Mi tana ma Pilate e livua a Iesu i limaqira kara pogaa tana gai ulutaligu. Mara tangolia a Iesu.

Linge 57:11

Niqu God ko saulabatia tana masaoka laka igoe o loki tsapakae, ma na mararamu ke tsavu poponoa na barangengo.

Galatia 1:19

Mau tau goto reia ke kesa na apostolo tavosi, a Iakobo lelee moa, aia na tasina na Taovia.

Aqoaqo 25:9

Maia Pestus e padangaoa moa laka igira na Tsiu kara padalokia aia, te e ngasua a Paulo, “?Igoe, laka sauba ko tami na vano i Jerusalem, mi tana ti inau kau pedea ti vaga na omea igira ara keligini vanigo e mana se tagara?”

Aqoaqo 24:27

Me putsi ruka na ngalitupa, maia Porsius Pestus e tugua a Piliks na tagao tana butona na momoru ia. Ma Piliks e padangaoa laka igira na Tsiu kara padalokia, te e moloa a Paulo ke totu moa tana vale sosori.

Luka 18:33

Sauba kara ramitsiau ma kara matesiau, mi tana tolunina bongi i muri, minau sauba kau maurivisutugua.”

Mateo 20:19

Migira sauba kara pedematesiau, mi muri ma kara moloau i limaqira na tinoni ponotoba. Migira sauba kara gilugaqu, ma kara ramitsiau, ma kara pogaau tana gai ulutaligu. Mi tana tolunina bongi i muri, minau sauba kau maurivisutugua.”

Marko 15:14

Ma Pilate e veisuagira tugua, “?Ma na sasi gua e tsukia ngana?” Migira ara gugu loki mi gotu na lioqira, mara tsaria, “!Pogalobatia tana gai ulutaligu!”

Luka 23:16

Sauba moa kau moloa vanigira niqu mane vaumate kara ramitsia, mi muri ti kau moloa ke vano.”