Marko 10:18 - Ghari

¹⁸ Ma Iesu e veisuaa na mane ia, “?Rongona gua ti igoe o soaginiau dou? Tagara kesa ke dou, aia God segeni moa.

Marko 10:18 Referans Kwoze

Luka 18:19

Ma Iesu e tsarivania, “?Egua ti igoe o soaginiau dou? Tagara kesa ke dou, aia God segeni moa.

Mateo 19:17

Ma Iesu e gokovisu me tsaria, “?Egua te o veisuaginiau inau tana rongona nagua e dou? Ma God segeni moa e dou. Me ti ko ngaoa na sage tana mauri saliu, ma nimu aqo ko murigira na ketsa sui.”

1 Ioane 4:16

Migita a dona segenida ma tutunina nogo, laka God e galuvegita manana. God aia nogo na pukuna na galuve, masei e mauri sailagi tana galuve, aia e mauripata kolua God, ma God e mauripata kolua aia.

1 Samuel 2:2

“E tagara ke kesa ke tabu loki vaga na Taovia; me tagara ke kesa ke atsalina aia, me tagara goto ke kesa ke reitutugugita dou vaga e naua nida God.

Roma 3:12

Na tinoni sui lakalaka ara piloligi tania God. Pipi gira sui ara liu sasi; me tagara lelee goto ke kesa ke naua na omea e dou.

1 Ioane 4:8

Masei e tau dona na galuveaqira na tinoni tavosi, aia e tau goto donaginia God, rongona God aia nogo na pukuna na galuve.

Iakobo 1:17

Pipi sui na sausau dou ma na tuva vangalaka ara talumai moa i baragata. Ara tsunamai talu i konina God, aia e volagira na marara sui ni gotu. God aia segeni moa e tau dona ke oli. Maia e tau goto rodo kalina e rodo na aso.

Linge 119:68

!Igoe o dou sosongo mo galuve sosongoliau! Ko sasaniau nimu ketsa.

Linge 86:5

Igoe o dou sosongo vanigami, mo padalegira moa nimami sasi, me loki sosongo nomoa nimu galuve vo oli vanigira sui ara nongigo.

Linge 145:9

Aia e tobadou vanigira na tinoni sui, me ngongoragi mateqira na omea sui aia e aqosigira.

Marko 10:17

Mi kalina a Iesu e aligiri na vano, me ulomai kesa na mane, me tsuna tuturu i matana me veisuaa, “?Taovia, igoe na tarai dou, au nongigo ko tsarimai vaniau nagua kau naua inau ti kau gini tangomana na tsauliana na mauri saliu?”

Marko 10:19

Igoe o donaginigira nogo nina Ketsa God: ‘Laka na matesi tinoni, laka na kiboga, laka na komi, laka na keli, laka na peqo, mo ko kukuni tanikaira na tamamu ma na tinamu.’ ”