Malaki 1:3 - Ghari

³ mau reisavia a Esau migira na kukuana. Mau toroutsani vania nina vera vungavungaga a Esau, mau molovanigira na omea tuavati atsi kara totuvia.”

Malaki 1:3 Referans Kwoze

Joel 3:19

“Ma na Ejipt sauba ke lia na kaomate, ma na Edom sauba ke toroutsa saikesa, rongona igira ara ba bokia na butona kao ni Juda mara labumatesigira na tinoni dou ara tau lelê tsukia sa sasi.

Esekiel 36:9

Inau nogo au sanga tabana kolugamu, me sauba kau reia laka kara ovugira tugua nimui uta.

Esekiel 36:7

Minau nogo na Taovia God au vatsa mau gini veke laka sauba kau paluvangamaqira goto igira sui na puku tavosi ara totu poligamu.

Jeremia 51:37

Ma na verabau ia sauba ke vaga moa na tsupu na vatu i tana ara mauri igira moa na omea tuavati atsi. Me sauba ke seko sosongo na rereina; me ke tagara goto sa tinoni ke totuvia, migira sui ara reia na omea e laba vaga ia, sauba kara gini matagu loki.

Jeremia 49:10

Minau au matesiligigira sui saikesa igira na kukuana a Esau, mau sekolia niqira nauna na mani taopoi, gana ke gini utu vanigira na ba taopoitugua i tana. Igira sui na tinoni ni Edom ara viri mate sui saikesa. Me tagara lelê goto sa vidaqira ke kauvisu.

Jeremia 9:11

Ma na Taovia e tsaria, “Inau sauba kau toroutsania na Jerusalem, me ke lia na nauna i tana ara totu igira na pai atsi. Migira na verabau sui tana Juda sauba kara lia na kaomate, na nauna i tana e tau totuvia sa tinoni.”

Isaia 35:7

ma na one papara sauba ke lia na reku, mi tana kao mamatsa sauba ke vuradato na kô pipi moa tana nauna. Mi tana ara totu igira na pai atsi tana idana, sauba kara viri dato na buruburu na boko ma na gaugau i konina.

Luka 14:26

“Asei ti vaga ke ngaoa ke tsarimuriqu inau, maia e utu ke lia gaqu duli ti vaga ke tau padalokiau baa inau, liusia aia e padalokigira na tamana ma na tinana, na tauna ma na dalena, na tasina ma na vavinena, ma na maurina segeni goto ia.

Tuturigana 25:23

Ma na Taovia e tsarivania, “Ara ka ruka na puku na tinoni i laona tobamu igoe. Mi kaira na puku sauba ko vasukaira igoe sauba kara ka vaigalagi. Me kesa ka vidaqira sauba ke susuliga bâ liusia kesa, ma na idana sauba ke aqo vania na tumurina.”

Jeremia 49:8

!Igamu na tinoni ni Dedan kamu pilo ma kamu tsogoligi! !Kamu ba taopoi! Inau sauba kau matesigira na kukuana a Esau, rongona e tsau nogo na tagu tana inau sauba kau kedegira.

Jeremia 49:20

Me vaga ia, ma kamu rongomia na omea inau au vangarau manogatinogoa laka kau naua vanigira na tinoni ni Edom, ma na omea au padâ kau naua vanigira na tinoni tana verabau ni Teman. Me atsa moa igira goto na daleqira tetelo me sauba igira na gala kara raqaligigira sui, migira sui na tinoni tavosi kara gini beke loki na reiana na omea e laba vaga ia.

Jeremia 49:33

Ma na verabau ni Hasor sauba ke lia na kaomate saikesa, na nauna i tana igira moa na omea atsi ara dona kara totuvia. Me tagara goto sa tinoni ke ba totu goto i tana. Inau nogo na Taovia au tsaria na omea iani.”

Tangitangi 4:22

Na vera ni Sion e sese mateqira nogo nina sasi. Ma na Taovia sauba ke tau goto tami kami totu tsinogo babâ. Migoe moa Edom, sauba na Taovia ke kedego, me ke adilabatigira i malena nimu sasi.

Jeremia 49:7

Iani nogo na omea na Taovia Susuliga Sosongo e tsaria tana rongoqira na Edom: “?Laka e nanga nogo niqira sasaga igira na tinoni ni Teman? ?Me laka niqira mane na sauparovata ara tau goto tangomana kara tsaritugu vanigira na omea kara naua? ?Egua laka e viri nanga lê sui nogo niqira sasanga loki?