Luka 8:6 - Ghari

⁶ “Mara visana na vatuna ara puka tana kao vatuvatuga. Mi kalina ara kutsu me tsaku ara makede lee, rongona e mamatsa na kao.

Luka 8:6 Referans Kwoze

Luka 8:13

Migira na vatuna ara puka tana kao vatuvatuga e kalegira igira ara rongomia na gokona God, mara gini magemage tsaku na adiana. Me tau moa lamuga kalavata i tobaqira. Ara tutunina kesa tagu tetelo moa, mi kalina e labamai na tabotabo mara pukaligi lee.

Hibru 3:15

Iani nogo na goko e totu tana Mamare Tabu: “Ti vaga i dani eni kamu rongomia na gokona God, ma kamu laka goto na baribari, vaga ara naua na mumuamui i sau, kalina igira ara tuu, mara peaa na mangana God.”

Amos 6:12

?Laka tangomana na ose ke ulo tana maragova? ?Ma na omea na qarikao e raqâ na buluka laka e dona ke qaria na tasi? Bâ, migamu amu piloa na pedegoto me lia na tabatu, ma na omea e goto e ba liu tana omea e sasi.

Esekiel 36:26

Ma kau sau vanigamu na toba vaolu ma na papada vaolu. Ma kau adiligi tanigamu nimui tobakakai vaga na vatu, ma kau oliginia na tobalaka, aia e dona ke rongomangaqu inau.

Jeremia 5:3

Taovia igoe o ngao sosongolia laka igira na tinoni kara muria na sautu goto. Igoe o labugira, migira ara tau goto gini boe. Mo tsogori rapasigira, migira ara sove moa na rongomiana nimu totosasaga. Ara baribari sosongo, mara tau goto piloligi tanigira niqira sasi.

Esekiel 11:19

Minau sauba kau sauvanigira na papada vaolu ma na toba vaolu. Ma kau adiligia niqira tobakakai vaga na vatu, ma kau oliginia na tobalaka e dona ke rongomangaqu inau.

Luka 8:5

“E kesa na mane e vano na rasavaginiana na vatuna na uiti i laona nina uta. Mi kalina aia e rasavaginia, mara visana na vatuna ara puka lee tana sautu. Migira na tinoni ara tsogorigira, ma na manu ara ganigira.

Luka 8:7

Mara visana na vatuna ara puka i laona na itai kokonaga, ma na konakona ara dato kolugira, mara poko kapusigira.