Luka 5:34 - Ghari

³⁴ Ma Iesu e gokovanigira me tsaria, “?Megua, laka e dou moa kamu tsoni vitoaqira igira ara mai sanga na mutsa na tauga, kalina vaga na mane tauga vaolu e tototu moa kolugira? !Tagara saikesa! !E utu ke vaga!

Luka 5:34 Referans Kwoze

Ioane 3:29

Kamu reia ti vaga kesa na mane tauga vaolu, maia e vutinogoa na tauna. Maia na kulana na mane tauga vaolu ia e tutuu me pipitua, me gini magemage kalina e rongomia na tatangina nina goko na mane tauga vaolu. Minau, au vaga saikesa nogoria. E tovu nogo niqu magemage kalina eni.

2 Korint 11:2

Inau au gini boe sosongo tana rongomui igamu, vaga nogo God aia e boe sailagi ginigamu. Inau nogo au anegamu vania a Iesu Kristo, mau ngaoa kamu male dou, ma kau saugamu vaga na siama malelaka vania kesa moa na mane, aia nogo a Iesu Kristo.

Mateo 22:2

Me tsaria, “Na Verana God i baragata, e vaga moa kesa na taovia loki e vangaraua kesa na kavomutsa, rongona e tauga kesa na dalena mane.

Sepania 3:17

Na Taovia nimui God e totu i konimui; mi tana susuligana nogo aia igamu amu gini tangomana. Na Taovia sauba ke gini mage loki na reiamui, mi tana nina galuve loki sauba ke vaolusiginia na maurimui. Maia sauba ke linge me ke gini mage loki tana rongomui igamu, vaga nogo kalina igira na tinoni ara magemage tana dani tabu loki.”

Isaia 62:5

Vaga saikesa nogo na mane vaolu e taugâ kesa na daki siama, nimu God aia e aqosigo sauba ke taugago. Me vaga kesa na mane tauga vaolu e magemage kolua na tauna, me sauba nimu God ke magemage kolugo goto igoe.

Isaia 54:5

Inau nogo au vusago, mau lia na savamu. Ma na Taovia Susuliga Sosongo, aia nogo na soaqu inau. Inau na God tabu ni Israel sauba kau laumaurisigo, inau nogo au tagaovi kaputia na barangengo popono.

Linge Na Galuve 6:1

Igoe o uluvao laka liusigira na daki sui. ?Laka iava vaga e vano nimu udu? Ko tsarivanigami iava tana e liu bâ nimu udu, migami kami sangago na laveana.

Linge Na Galuve 5:8

Igamu na daki ni Jerusalem, kamu veke vaniau laka ti vaga kamu tsodoa niqu udu me sauba kamu tsarivania laka au gini maluku sosongo na padangaoana.

Mateo 9:15

Me gokovisu a Iesu me tsarivaniigira, “?Egua, amu padaa laka e tugua kara totu melumelu moa igira ara sangatsari tana kavomutsa na tauga, kalina vaga aia na mane tauga vaolu e tototu moa kolugira? !Tagara saikesa! Me sauba nomoa ke labamai na dani i tana sauba kara adiligia na mane tauga vaolu tanigira, mi tana ti igira sauba kara dona na nauana na sese na vitoa.

Luka 5:33

Visana tinoni ara tsarivania a Iesu, “Igira ara muria nina sasani a Ioane ara tau kuti na sese na vitoa rongona na lotu ma na nonginongi, migira goto ara murigira na Parisii ara nauvaganana goto ia; migira moa gamu duli igoe, ara mutsamutsa rago, mara inuinu.”

Luka 5:35

Me sauba nomoa ke labamai na dani i tana kara adiligia na mane tauga vaolu tanigira, mi tana ti igira sauba kara dona na nauana na sese na vitoa.”