Luka 4:22 - Ghari

²² Mi tana igira sui ara rongomia ara gini ganataa na goko doulaka aia e tsarigira. Mara tsaria, “?Laka e tau na dalena moa a Iosepo ngana?”

Luka 4:22 Referans Kwoze

Ioane 6:42

Mara tsaria, “?Na dalena nogoria ngatsu a Iosepo na mane iani? Migita a donaginikaira na tamana ma na tinana. ?Megua kalina eni ti aia e tsaria laka e tsunamai talu i gotu?”

Linge 45:2

Igoe o rerei dou bâ liusigira na mane sui. Igoe kesa e tangi dou laka nimu goko ma God e soadougo pipi kalina.

Goko Tabana 16:21

Na tinoni sasaga me ganoga e dona na padagadoviana na omea e dou ma na omea e seko. Mi kalina aia e goko, migira na tinoni ara rongomingaoa na omea aia e tsaria.

Titus 2:8

Ko gini aqo saikesa moa na goko e pukuga tana manana, ke gini tau tangomana ke kesa ke baovisua nimu goko. Mi tana igoe ko gini paluvangamaqira igira gamu gala, rongona e utu kara tsodoa sa omea seko i laona nimu goko e tugua kara keligini vanigita.

Aqoaqo 6:10

Ma na Tarunga Tabu e sauvania a Stivin na sasaga loki gana na goko mamatsa, mara tau tangomana na suamangana.

Ioane 7:46

Migira na mane matali ara tsaria, “!Matena e tagara goto ke kesa ke dona na gokolaka dou vaga e goko na mane ia!”

Luka 21:15

rongona inau nogo sauba kau sauvanigamu na sasaga loki gana na goko maka, ma kara gini tau tangomana igira gamui gala na utusiana ma na labupukaliana nimui goko.

Isaia 50:4

Na Taovia God e sasaniginiau nogo na goko gua kau tsaria, ti kau gini tangomana na susuligasiginiaqira igira ara kolae. Me pipi tana matsaraka aia e sangaau mau gini madodo na rongomiana na omea aia ke sasaniginiau.

Linge Na Galuve 5:16

Me tangi dou rago nomoa nina goko me pipi na omea i konina au reingao sosongolia inau. Maia saikesa nogo na rereina niqu udu galugaluve, igamu na daki ni Jerusalem.

Goko Tabana 25:11

Na goko o vuresi makalidoua tana taguna laka e vaga moa na inilau ara aqosiginia na qolumila, mara baruginia na siliva.

Goko Tabana 10:32

Igira na tinoni e goto niqira sasaga ara tsonia moa na goko galuve pipi kalina, migira na vanga tsutsukibo ara tsotsoni sailaginia moa na goko ara dona na sekoli tinoni.

Linge 45:4

!Sage tana nimu ose mo ko bâ kolu susuligamu mo ko gini tangomana tana vailabu, rongona ko gini isutuguna me ke gini tukakai na pedegoto ma na pedemana! Na susuligamu nogo ke sangago me ke gini managamu na tuliusiaqira gamu gala.

Luka 2:47

Migira sui ara rongomia nina goko, mara ganataa nina goko sasaga loki.

Sasani Sasaga 10:12

Tana nina goko sasaga nogo na tinoni sasaga loki ara gini padalokia igira na tinoni. Ma na tinoni bubulega e toroutsani segenia tana nina tsaqina goko segeni.

Luka 2:48

Kaira na tamana ma na tinana ara ka novo sosongo kalina ara ka reivulagia, ma na tinana e tsarivania, “?Dalequ, egua sagata ti o nauvaganana vanikagami ia? Reia kagami tamamu minau ami ka gini boe sosongo na laveamu.”

Luka 4:21

kalina aia e tsaria na tsaqina goko iani vanigira, “Aia na tsaqina na Mamare Tabu amu vasini rongomia moa, aia e mana nogo i matamui i dani eni.”

Ioane 1:45

Ma Pilipo e tsodoa a Nataniel me tsarivania, “Goena, aia nogo na mane ri a Moses e mamare tana rongona i laona na papi na Ketsa, migira goto na propete ara mamare tana rongona ia, i kagami ami ka tsodonogoa. Maia nogo a Iesu na dalena a Iosepo ni Nasaret.”