Luka 3:34 - Ghari

³⁴ ma Juda na dalena a Jakob; ma Jakob na dalena a Isaak; ma Isaak na dalena a Abraham; ma Abraham na dalena a Tera; ma Tera na dalena a Nahor;

Luka 3:34 Referans Kwoze

Tuturigana 25:26

Mi kalina e botsa na rukanina maia e tatango kakai tana bobouna tuana a Esau, mara soaginia a Jakob. E ono sangavulu na ngalitupana a Isaak kalina ara ka botsa kaira.

Tuturigana 21:3

Ma Abraham e soaginia na baka ia a Isaak,

Aqoaqo 7:8

Mi muri, ma God e vania a Abraham na aqo tabu na paripapadana, aia na papadana ka niqira vaitasogi kaira God ma Abraham. Mi kalina e botsa a Isaak, ma Abraham e paripapadana tana alunina dani. Ma Isaak e paripapadana a Jakob, ma Jakob e paripapadana tugira sangavulu ruka na dalena, igira nogo na mumuada loki.

Mateo 1:2

E tuu i konina a Abraham, me tsau baa i konina a David na Taovia Tsapakae, ara tsokosaigira na kamaga vaga iani: A Abraham na tamana a Isaak; a Isaak na tamana a Jakob; a Jakob na tamana a Juda mi tugira na tamatasi;

1 Turupatu Dato 1:34

A Isaak na dalena a Abraham aia e tamanikaira ruka na dalena mane, kaira nogo a Esau ma Jakob.

Josua 24:2

Ma Josua e tsarivanigira na tinoni sui, “Iani e vaga na omea na Taovia na God ni Israel e tsaria: ‘I sau nogo igira na mumuamui ara totu i tabana bâ na Kô Euprates, mara samasama vanigira na god tavosi. Maia kesa vidaqira na mumuamui aia nogo a Tera ka tamaqira a Abraham ma Nahor.

Luka 3:33

ma Nason na dalena a Aminadab; ma Aminadab na dalena a Admin; ma Admin na dalena a Arni; ma Arni na dalena a Hesron; ma Hesron na dalena a Peres; ma Peres na dalena a Juda;

Luka 3:35

ma Nahor na dalena a Serug; ma Serug na dalena a Reu; ma Reu na dalena a Peleg; ma Peleg na dalena a Eber; ma Eber na dalena a Sela;