Luka 2:14 - Ghari

¹⁴ “!Soalokia God i gotu vasau, mi lao ke baa na rago vanigira ara dou i matana!”

Luka 2:14 Referans Kwoze

Roma 5:1

Eo, mi kalina ia, igita a totugoto nogo kolua God ginia nida tutuni, te e gini rago na tobada kolua God tana rongona nogo nina aqo a Iesu Kristo nida Taovia.

Luka 19:38

Mara tsaria, “!Ka soadoua na taovia tsapakae, aia e mai tana asana na Taovia! !Kara mage tana rago igira i gotu! !Ka soalokia God i gotu vasau!”

Kolose 1:20

Mi konina nogo na Dalena, ti aia God e pedea laka ke adivisugira i konina na omea sui lakalaka. Eo, tana mateana nogo na Dalena tana gai ulutaligu ti aia God e mologotosiginigira i konina segeni nogo ia igira na omea sui i gotu mi lao.

Luka 1:79

Ke tuu i gotu me ke marara tsunamai vanigira ara totu tana ungana na mate, me ke tudumigita baa tana sautu na rago.”

Na Katemai 5:13

Mau rongomigira goto pipi na omea vovola sui ni gotu mi lao, mi vavana na barangengo, mi laona goto na tasi, eo, igira sui lakalaka na omea mamauri sui tana qoae popono, ara lilinge mara tsaria, “!Ka soadatoa ma ka soalokia, ka tsonikaea ma ka padamamavasia na susuligana loki, aia e totu tana nina sasana na totukae ma na Dalena Sipi na dani ma na dani!”

Isaia 57:19

Inau au saua na rago vanigira na tinoni sui, igira ara totu varangi migira goto ara totu ao. Eo, sauba nomoa kau tali maurisigira niqu tinoni.

Aqoaqo 10:36

Igamu dona nogo laka God e molomainogoa nina goko vanigira na tinoni ni Israel, ma na Turupatu Dou na rago e mai vanigira nogo ginia a Iesu Kristo, maia nogo gaqira Taovia igira pipi sui na vatana na tinoni i barangengo.

Ioane 17:4

Au tsonikaego nogo i lao eni. Au suilavaginigira nogo na aqo igoe o tusugira vaniau na nauana.

2 Tesalonika 2:16

Ami tu nongia a Iesu Kristo nida Taovia kolua God na Tamada, aia e galuvegita mi tana nina vangalaka e saunogoa vanigita na susuliga gana igita ka gini tukakai babaa, ma ka noru saikesalia nina galuve,

Pilipi 2:11

Migira sui kara katevulagia laka a Iesu Kristo aia e Taovia, ma kara gini tsonikaea God na Tamana.

Luka 3:22

ma na Tarunga Tabu e tsunamai i konina tana rereina na kulukulu. Me tangi kesa na goko e talumai i gotu me tsaria, “Igoe nogo na Dalequ galugaluve. Au reingao sosongoligo.”

Mateo 21:9

Migira na toga ara idaida vania a Iesu tana sautu, ma na toga ara tsatsarimai i murina. Migira sui ara tuturiga na gugu dato, mara tsaria, “!Soalokia na Dalena a David! !Ka soadoua aia e labamai tana asana na Taovia! !Ka soalokia God!”

Isaia 49:13

!Ko linge igoe na baragata! !Ko gudato tana magemage igoe na barangengo! !Igamu na vungavunga kamu linge loki! Rongona na Taovia sauba ke veregira nina tinoni me ke galuvegira igira ara rota.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Isaia 44:23

!Ko gudato tana magemage igoe na baragata! !Ma kamu gû dato igamu sui goto amu totu i vavana na barangengo! !Kamu gudato tana magemage igamu na vungavunga me pipi sui na gai i laona na goana atsi! Na Taovia e sauvulagia gana loki tsapakae tana laumaurisiaqira na Israel igira nina tinoni segeni.

Pilipi 2:13

Rongona God nogo e aqo sailagi i laomui, maia e sangagamu mamu gini madodo na nauana na omea aia e kilia kamu naua.

Epesus 2:7

God e gini nauvaganana ia, rongona ke saumakaliginia vanigira na tinoni sui pipi tana tagu ke mai laka e loki sosongo nina vangalaka tana galuve e saua vanigita i laona a Iesu Kristo.

Epesus 2:4

Ma God e tobalaka sosongo, me galuve sosongoligita.

Ioane 14:27

“Na rago au molo vanigamu. Niqu rago segeni nogo inau au sauvanigamu. Maia e tau vaga na rago ke saua na barangengo. Migamu kamu laka na gini melu ma na padasavi, ma kamu laka goto na matagu.

Ioane 3:16

Na rongona God e galuve sosongolia na barangengo, te aia e molomaia na Dalena e kesa moa, me pipi sei moa e tutunina, aia e utu ke mate, me sauba ke tamanina na mauri saliu.

Mika 5:5

maia sauba ke vaturia na rago i laoqira sui. Mi kalina igira na Asiria kara mai sagelia nida butona momoru ma kara bokia na verada, migita sauba ka molovanogira nida ida susuliga bâ kara ba vailabu kolugira.

Luka 2:13

Mara tavongani labamai kolua na angelo ia, na alaala loki na toga na angelo ni gotu ara tsonikaea God mara linge, mara tsaria,

Luka 2:15

Mi kalina igira na angelo ara nangaligi tanitugira mara visudato i gotu, mi tugira na mane pitusipi ara tu vaigokovigi mara tu tsaria, “Ida ma ka tu vano i Betlehem ma ka tu ba reia na omea e laba, vaga aia na Taovia e tsarivulaginogoa vanitugita.”