Luka 19:42 - Ghari

⁴² me tsaria, “!E kiki, ti moa vaga igoe ko reigadovia i dani eni na omea e kilia ko naua ti ke gini laba vanigo na rago! !Me utugana vanigo moa ko reigadovia!

Luka 19:42 Referans Kwoze

Na Vaolusi Ketsa 32:29

Ara tau tangomana kara reigadovia na rongona gua ti gaqira gala ara tuliusigira, mara tau goto tangomana kara padagadovia na omea vaga ia ara laba.

Hibru 3:15

Iani nogo na goko e totu tana Mamare Tabu: “Ti vaga i dani eni kamu rongomia na gokona God, ma kamu laka goto na baribari, vaga ara naua na mumuamui i sau, kalina igira ara tuu, mara peaa na mangana God.”

Isaia 48:18

“!Ti moa vaga igamu kamu dona na muridouaqira niqu ketsa! Mi tana ti niqu rago ke tatave vanigamu vaga moa na ko tsatsali e vô na mamatsa. Ma nimui sasaga goto ke dato susuliga, vaga moa na kararana na panu.

Aqoaqo 10:36

Igamu dona nogo laka God e molomainogoa nina goko vanigira na tinoni ni Israel, ma na Turupatu Dou na rago e mai vanigira nogo ginia a Iesu Kristo, maia nogo gaqira Taovia igira pipi sui na vatana na tinoni i barangengo.

Isaia 55:6

Kamu pilo bâ i konina na Taovia ma kamu nonginongi vania kalina aia e totu varangisigamu.

Hibru 3:13

Eo, i dani eni nogo vaga ara marea tana Mamare Tabu, me pipi dani goto kamu vaiparovatavigi, ma kamu vaisangagi. Rongona ke gini tau goto totu ke kesa i laomui ke baribari sosongo, me ke tamivania na sasi ke raqa sasilia.

Luka 19:44

!Sauba kara vuipukaligo igoe, ma kara labu matesigira na toga i laomu, me ke tagara lelee goto ke kesa na vatuna na valemu ke totuvisu tana sasana, rongona igoe o tau nogo reigadovia na tagu kalina God e mai me tsigovigo!”

Aqoaqo 13:46

Mi kaira a Paulo ma Barnabas ara ka susuligaliga babaa tana goko; mara ka tsaria: “E ulagana nomoa na gokona God ke ida talu na laba i konimui igamu. Me ti vaga igamu amu sove tania, mamu tau ngatsu nomoa pada laka ke ulagamui na mauri saliu. Me ti ke vaga ia, mi kagami sauba kami ka mololegamu ma kami ka baa i koniqira na tinoni ni veratavosi.

Esekiel 33:11

Migoe ko tsarivanigira laka inau na Taovia God mamauri au gini vatsa na asaqu segeni nogo inau, laka au tau saikesa gini mage kalina e mate kesa tinoni sasi. Inau au ngaoa moa ke piloligi tania nina sasi me ke mauri. Kamu rorongo igamu na Israel. Kamu mololegira pipi nimui nauseko amu naugira. ?Rongona gua ti amu ngaoa moa laka kamu mate lê?

Isaia 44:18

Na tinoni vaga gira ara tau saikesa sasaga mara tau goto donaginia nagua ara naua. Ara vongoa na mataqira ma na papadaqira gana kara tau donaginia na manana.

Hibru 3:7

Me vaga ia, miani nogo na goko vaga e tsaria na Tarunga Tabu: “Ti vaga i dani eni kamu rongomia na gokona God,

Linge 81:13

!Ti vaga niqu tinoni kara rongomiau moa inau; ma kara naua na omea inau au ketsaligira kara naua!

Linge 32:6

Vaga ia, migira sui na tinoni ara totukakai i konimu igoe, e dou kara dona na nongiamu tana tagu na rota; mi kalina ti ke tavongani tave na obo loki na rota, me sauba ke utu vania ke tsauligira.

Na Vaolusi Ketsa 5:29

!Ke dou sosongo ti vaga igira kara papada vaga nomoa iani pipi tagu! Ma kara padalokiau inau, ma kara murigira pipi sui niqu ketsa, rongona ke gini vano dou sailagi pipi na omea sui vanigira igira, migira goto na kukuaqira.

Jeremia 13:17

Me ti vaga igamu kamu sove moa na rorongo, minau sauba kau ngangai loki i tobaqu tana rongona nimui sasaga kaekae; me ke ro loki na kô na mataqu tana rongona ara aditsekavanogira sui nogo nina tinoni na Taovia.

Luka 19:41

Mi kalina a Iesu e tsau nogo varangisia i Jerusalem, maia e morosia na vera me melu tobana me tangisia,

Luka 19:43

Me sauba nomoa ke mai na tagu i tana igira gamu gala kara tu polipoligo ma kara bokigo.