Luka 13:19 - Ghari

¹⁹ Aia e vaga moa ti kesa na vatuna gai tetelo lee e adia kesa na mane, me ba tsukaa tana nina uta. Mi kalina e dato, me lia na gai loki. Migira na manu ara mai mara aqosia na binuqira tana arana.”

Luka 13:19 Referans Kwoze

Daniel 4:12

Ara rerei dou sosongo na rauna, mara danga sosongo na vuana me tugua ke masulia na barangengo popono. Migira na omea tuavati atsi ara totu raviravi tana auauna, ma na manu ara logo binuqira tana arana, me pipi moa vatana na omea mamauri ara sanga na ganiana na vuana.

Daniel 4:21

Ara rereidou sosongo na rauna, mara danga sosongo na vuana me tugua ke masulia na barangengo popono. Migira na omea tuavati atsi ara totu raviravi tana auauna, migira na manu ara logo binuqira tana arana.

Aqoaqo 4:4

Mara danga rago nomoa na tinoni ara rongomia ka niqira sasani mara gini tutunina; mara tsaulia nogo gana ngongo tsege na toga na tinoni.

Aqoaqo 2:41

Mara danga vidaqira ara gini tutunina nina goko, mara lesovitabu. Mara gana ngongo tolu na toga na tinoni ara pabo i laoqira na tinoni tutuni tana dani ia.

Sekaria 2:11

Mi tana tagu ia sauba kara danga na puku tavosi kara mai konina na Taovia ma kara lia goto nina tinoni segeni. Maia na Taovia sauba ke totu i laomui, mi tana ti igamu kamu donaginia laka aia nogo e molomaiau vanigamu.

Esekiel 31:6

Me pipi sui na vatana na manu ara aqosi binuqira tana arana; ma na omea tuavati atsi ara vasua na daleqira i vavana; migira na tinoni pipi sui tana puku ara mai mango tana auauna.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Aqoaqo 21:20

Mi kalina ara rongomi vaganana ia, migira sui ara gini tsonikaea God. Mara tsaria, “Tasimami a Paulo, igoe segeni o reia e koegua na dangaqira na toga na Tsiu ara lia nogo na tinoni tutuni, migira sui ara muridou sosongolia nomoa nina Ketsa a Moses.

Mateo 17:20

Ma Iesu e tsarivanigira, “Rongoina e tau susuliga dou nimui tutuni. Inau au tsarivanigamu, atsa moa ti nimui tutuni ke tetelo lee vaga kesa na piuna na gai, me sauba ke tugua kamu ketsalia na vungavunga garia, ‘!Ko tavuti tania ieni, mo ko ba tuu tagaria!’ me sauba manana nomoa ke tavutiligi me ke vano. Me ti vaga kamu tutuniqu manana inau, me sauba ke tagara goto ke kesa na omea ke utugana vanigamu.

Isaia 58:11

Minau sauba kau mataligamu sailagi, ma kau masuliginigamu na omea dou. Ma kau naua migamu kamu gini susuliga ma kamu mauri dou tugua. Migamu sauba kamu vaga na uta e tamanina danga gana kô, me vaga goto na ko tsatsali e tau dona ke mamatsa.

Isaia 53:10

Ma na Taovia e goko me tsarivaganana iani, “Inau nogo au pede vania ke gadovi rota loki vaga ia, ma na mateana e lia ngiti kodoputsa gana na sese mateqira na sasi. Me vaga ia, ti sauba aia ke mauri oka, me ke reigira na kukuana kara botsamai i muri, mi konina nogo ia ti inau kau manaligira na omea sui au pede manogatinogoa.

Linge Na Galuve 6:2

Niqu udu e vano nogo tana nina uta, i tana ara dato na gai sisigini dou. Mi laona nogo nina uta aia e ba palagira nina sipi, me angunikolugira na vulevule.

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”

Roma 15:19

Me gini aqo goto na valatsatsa ma na omea ganataga, ma na susuligana na Tarunga Tabu. Pipi tana nauna sui au liu, tuu i Jerusalem me tsau i Ilirikum, au gini turupatuna na Turupatu Dou popono tana rongona a Iesu Kristo.

Jeremia 31:12

Igira sauba kara mai ma kara linge tana magemage tana Vungavunga Sion, ma kara gini mage loki niqu vangalaka vanigira, na vangalaka na mutsa, ma na uaeni, ma na oela na olive, ma na vangalaka na sipi ma na buluka. Migira sauba kara vaga saikesa na uta ara porisia pipi matsaraka me pipi ngulavi, me sauba kara tamanina moa pipi sui na omea ara kilia gana na mauriqira.

Isaia 61:11

Vaga na kao lakataga e naua me gini dato dou na omea tsukatsuka, ma na uta e gini koli me poko dou, me vaga goto na Taovia God sauba ke suivisugira nina tinoni. Migira na tinoni pipi tana vera sui kara tsonikaeginia.

Isaia 53:1

Migira na toga ara tsaria, “?Asei nomoa sauba ke tutunina na omea igita a vasini rongomia kalina ia? ?Masei nomoa tangomana ke reigadovia na limana na Taovia i laoqira na omea vaga girani?

Linge Na Galuve 8:13

Igoe niqu udu o totu nogo i laona na uta, minau au ngaoa kau rongomia na tatangina na liomu, migira goto gaqu duli ara pitugotoa kara rongomia kalina ko goko.

Linge Na Galuve 4:16

Ko mamata igoe na Guguri ni Vava. Migoe na Guguri ni Ata ko liuvia niqu uta; me ke gini tavosa bamai na vuruna dou niqu uta. Tamivania niqu udu ke mai tana nina uta me ke gania gana vuana gai puipui dou bâ.

Linge Na Galuve 4:12

Igoe na kosuqu popono ma niqu aneane, igoe o vaga kesa na uta ara barapoliginia na vatu me totu totongo, me kesa na vuravura tabu e totu i laona.

Luka 17:6

Ma Iesu e tsarivanigira, “Ti vaga kamu tamanina na tutuni ke loki vaga kesa na piuna na tabao, me tangomana moa kamu ketsalia na gai vaga e totu ieni, ‘!Ko tavutikae mo ko ba tsuka segenimu i laona na tasi!’ maia sauba ke rongomi mangamui.

Marko 4:30

Ma Iesu e veisuagira, “?Laka nagua vaga ka tovoginia na Verana God? ?Na gokolia koegua ka tovoginia ti ke gini maka?