Luka 12:5 - Ghari

⁵ Inau kau katevanigamu asei moa aia igamu kamu matagunia; kamu matagunia moa God, rongona ti ke matesia na konimui, maia segeni e tamanina goto na susuliga ke tsonia na tidaomui tana rota e vo sui. !Eo, inau au tsarivanigamu, aia moa kamu matagunia!

Luka 12:5 Referans Kwoze

2 Petero 2:4

God e tau goto gaegira na angelo ara sasi i sau. Me tsonitsunagira nomoa tana rota e vo sui. I tana ara totu tana rodo, pituginia na Dani na Pede Loki.

Mateo 10:28

Kamu laka na mataguniaqira lee igira ara dona kara labumatesia moa na konimui, me utu goto kara labumatesia na tidaomui. Kamu matagunia moa God, rongona aia moa e dona ke kedekaira sui na konimui ma na tidaomui tana rota e vo sui.

Na Katemai 14:7

Maia e gu loki me tsaria, “!Kamu kukuni tania God, ma kamu tsonikaea na Taovia! Rongona e labamai nogo na tagu i tana aia ke pedegira na tinoni sui. !Kamu samasama vania God aia e volaa na baragata ma na barangengo, ma na tasi, migira na ko vuravura sui!”

Hibru 10:31

!Eo, na omea seko manana nomoa ti vaga kesa tinoni ke puka tana limana na God mamauri!

Linge 9:17

Na mate aia saikesa moa e totupitugira igira sui na tinoni vanga nauseko, migira sui goto ara sove tania God.

Goko Tabana 14:26

Aia e kukuni tania na Taovia e totu kakai, maia kolugira sui nina tamadale ara totu raviravi dou.

Na Katemai 20:14

Mi muri, maia e tsonitsunakaira na mate ma na vera na mate i laona na reku na lake. Ma na reku na lake ia, aia nogoria na rukanina na mate.

1 Tesalonika 4:6

Na vatana na sasaga seko vaga gira, ke laka goto ke kesa na baa na nauvaniana na tauna sa Kristiano tavosi. Ami tu tsarivanigamu idanogoa, mami tu parovatavigamu kakai nogo, laka na Taovia sauba nomoa ke kedegira igira ara nauvaganana ia.

Mateo 25:41

“Mi muri, minau sauba kau tsaria vanigira igira ara totu tana mauliqu, ‘!Baligi taniau igamu, aia God e reisavigamu! !Kamu baa tana lake e vo sui na iruna, aia God e vangarau manogatinogoa vania na tidao seko migira nina angelo seko!

Na Katemai 15:4

?Asei sauba ke tau kukuni tanigo Taovia? ?Masei sauba ke sove na gini turupatuna na lokimu? Igoe segeni moa o tabu loki sosongo. Migira na tinoni pipi sui tana vera sauba kara mai ma kara samasama vanigo, rongona nimu aqo ara gotolaka saikesa, mara labamaka i mataqira na tinoni sui.”

Mateo 5:22

Minau au tsarivanigamu: ti vaga ke kesa ke vaikoregi lee kolua moa kesa na kulana, me sauba kara turuvaginia i matana na taovia na pede. Masei ti vaga ke goko peaa moa vania kesa na tasina, me sauba kara turuvaginia nomoa i matana na Sai na Pede. Masei ti vaga ke tsarivania moa na kulana, ‘!O bule igoe!’ maia sauba ke tsodoa na rota tana iruna na lake e vo sui.

Jeremia 5:22

Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Mateo 25:46

Migira nogoria sauba kara gini vano tana kede saliu. Migira na douna, sauba kara baa tana mauri saliu.”

Jeremia 10:7

?Masei ke tau padalokigo igoe na taovia tsapakae kaputigira na puku sui? E ulagana nomoa kara padalokigo, rongona e tagara goto ke kesa ke atsa kolugo igoe i laoqira na tinoni sasaga pipi sui tana puku, se i laoqira niqira taovia tsapakae.

Marko 13:23

!Kamu parovata dou! Inau au katevulagi idanogoa vanigamu na omea sui girani, kalina e tau vati labamai na taguna.