Luka 1:79 - Ghari

⁷⁹ Ke tuu i gotu me ke marara tsunamai vanigira ara totu tana ungana na mate, me ke tudumigita baa tana sautu na rago.”

Luka 1:79 Referans Kwoze

Isaia 9:2

Igira na tinoni ara liu moa tana rodo ara reivulagia kesa na marara loki. I sau igira ara totu moa tana rodo pulipuli, mi kalina eni na mararana God e mamarasigira.

Mateo 4:16

Migira na tinoni ni tana ara totu moa tana rodo na sasi, me sauba kara reia kesa e mai vaga na marara loki, me ke mararasia na tobaqira. Migira ara totu moa tana ungana na mate, sauba na marara loki ia ke mararasigira.”

Aqoaqo 26:18

Igoe nogo nimu aqo ko sangavia na mataqira, mo ko pilovisugira tania na rodo ti kara reiginia na marara, ma kara gini piloligi tania na susuligana Satan, ma kara pilo baa i konina God. Mi tana niqira tutuni i laoqu inau, ti kara gini tanusi niqira sasi, ma kara sangasage i laoqira nina tinoni vivili God.’

Epesus 5:8

I sau igamu goto amu totu moa tana rodo. Eo, me tuu kalina igamu amu lia nina tinoni God mamu totu tana marara. Vaga ia, ma nimui aqo kamu mauri vaga nogo na tinoni ara totu tana marara.

Isaia 42:7

Migoe sauba ko naua ma kara moro igira na koko, mo ko nusigira igira ara totu sosori i laona na vale rodo.

Ioane 12:46

Inau au mai i barangengo ngiti marara, rongona pipi sei ti ke tutuniqu inau ke tau totu i laona na rodo.

Ioane 8:12

Me kesa dani segeni ma Iesu e goko tugua vanigira na Parisii me tsaria, “Inau na mararana na barangengo. Asei ti ke tsarimuriqu, aia sauba ke tamanina na mararana na mauri, me utu goto ke liu tana rodo.”

Ioane 9:5

Mi kalina inau au tototu moa i barangengo, minau nogo gana marara na barangengo.”

Linge 107:14

Me adirutsumigira tania na totu ponotoba sosongo ma na totu tana rodo, me kabakutigira na itai tapala ara soriginigira.

Linge 107:10

Visana e pono saikesa na tobaqira mara totu moa tana rodo, mara rota i laona na vale sosori i tana ara soriginigira na itai tapala,

Isaia 49:9

Minau sauba kau tsarivanigira igira ara totu sosori, ‘!Kamu totu tanusi!’ Me vanigira igira ara totu tana rodo, ‘!Kamu rutsumai tana marara!’ Me sauba igira kara magemage vaga na sipi ara mutsamutsa i kelaqira na tetena;

Ioane 1:9

Na Goko, aia nogoria na marara laka e tsunamai nogo i barangengo, me mararasigira na tinoni sui.

Linge 23:4

Atsa moa ti inau kau liu i laona na rodo pulipuli, me sauba e utu goto kau matagu, rongona igoe nogo Taovia o totu koluau. Ma gamu itoro ma nimu bao igoe o reitutuguginiau.

Luka 2:32

Aia nogo na marara ke mararasigira na toga pipi tana vera sui, me ke molokaegira igira nimu tinoni ni Israel.”

Jeremia 2:6

Igira ara tau goto boeginiau inau atsa moa ti inau nogo au laumaurisigira tania na Ejipt, mau idagana sautu vanigira tana kao mate, tana butona kao qiliqouga, tana kao mamatsa me rodo pulipuli, i tana e tau tangomana sa tinoni ke mauri, se ke liu i laona.

Isaia 49:6

Ma na Taovia e tsarivaniau, “Eo, igoe niqu mane aqo, sauba rago ko adikaetugua gaqira tangirongo na tinoni ni Israel, igira ara matepitsa tana vailabu, ma kara lia tugua na puku loki. Bâ, mi kalina ia, inau au ngaoa kau moloa kesa goto na aqo vanigo, me ke loki goto bâ. Minau sauba kau naua migoe ko lia vaga na marara loki ke mararasigira na puku sui, rongona kara gini mauri na tinoni sui lakalaka tana barangengo popono.”

Isaia 42:16

“Inau sauba kau idagana sautu vanigira niqu tinoni koko tana sautu i tana igira ara tau vati liu bâ. Ma kau naua me ke marara na mataqira ma kara tau goto liu tana rodo, ma kau sarasia na kao vatuvatuga me ke gini atsa na sautu vanigira. Igirani nogo na omea au vekea vanigamu inau laka kau naua, me utu goto kau tau manaligira.

Roma 3:17

Ara voo na mauri tana rago koluaqira na tinoni tavosi,

Jeremia 6:16

Na Taovia e goko me tsarivanigira nina tinoni, “Kamu tû i tana ara labasai na sautu, ma kamu papada dou laka iava na sautu i tana amu ngaoa na muriana. Kamu lavea na sautu ni oka ara muria igira na mumuamui. Aia nogo na sautu dou bâ. Kamu muritaonia aia, me sauba kamu totu tana rago.” Migira ara tsaria, “!Tagara, igami ami sove!”

Isaia 59:8

Mamu tau dona na liu tana rago, me pipi sui moa na omea amu naugira ara tau goto. Masei moa e tsarimurimui tana nimui sautu sasi e utu goto ke tsodoa na rago me ke totu raviravi dou.

Isaia 48:22

Ma na Taovia e tsaria, “E tagara goto sa rago ke totu vanigira na tinoni sasi.”

Linge 44:19

Migoe o tû mo mololegami kami totu segeni i laoqira na omea tuavati atsi; mo tsavuginigami na rodo pulipuli.

Linge 25:12

Igira ara dona na kukuni taniana na Taovia, sauba aia ke sasanigira na sautu kara muria.

Goko Tabana 3:17

Na sasaga loki tangomana ke naua me ke gini dou na maurimu, me ke tudumigo mo ko liu dou i laona.

Nina Papi A Job 10:22

tana vera na rodo ma na ungana na mate, i tana e tau dona ke totugoto sa omea, me ngiti mararana na rodo pulipuli moa.”

Isaia 48:17

Na God tabu ni Israel, aia na Taovia e laumaurisigamu, e tsarivanigamu: “Inau nogo na Taovia nimui God, mau ngao sosongolia kau sasanigamu na omea ke dou vania na maurimui, ma kau sausautuna vanigamu i tana kamu liu bâ.

Goko Tabana 8:20

Inau au liu tana sautu na gotolaka; mau muria moa na sautu na pedegoto,

Nina Papi A Job 3:5

Ko nauginia moa na dani na ponopala ma na rodo pulipuli; mo ko tsavupoiginia na parako, mo ko koko ponotia na aso me ke tau goto sinaria.

Aqoaqo 10:36

Igamu dona nogo laka God e molomainogoa nina goko vanigira na tinoni ni Israel, ma na Turupatu Dou na rago e mai vanigira nogo ginia a Iesu Kristo, maia nogo gaqira Taovia igira pipi sui na vatana na tinoni i barangengo.