Luka 1:73 - Ghari

^73-74 E gini vatsa vania a Abraham na mumuada, laka ke maurisigita tanigira gada gala, me ke gini sui na matagu i tobada,

Luka 1:73 Referans Kwoze

Linge 105:9

Me sauba ke manalia nina vaitasogi aia e naua kolua a Abraham, ma nina veke e naua vania a Isaak.

Na Vaolusi Ketsa 7:8

Maia na Taovia e galuvegamu manana nomoa me ngaoa ke manalivanigamu nina veke aia e nauvanigira na mumuamui i sau. Maia nogo na rongona ti tana susuligana loki aia e laumaurisigamu tania na totu tseka vaniana na taovia tsapakae ni Ejipt.

Jeremia 11:5

Mi tana ti inau kau manalia na veke inau au naunogoa kolugira na mumuaqira i sau, laka sauba kau sauvanigira na kao lakataga dou sosongo, aia nogo na kao ara totuvinogoa kalina eni.” Minau au tsaria, “Eo, Taovia.”

Na Vaolusi Ketsa 7:12

Ma Moses e goko vaganana iani me tsaria, “Me ti vaga igamu kamu rongomidougira na ketsa girani, ma kamu muri kalavatavigira, ma na Taovia nimui God sauba ke manali babâ nina tabana na vaitasogi aia e naukolugamu, me ke sauvulagigotoa vanigamu nina galuve vo oli, vaga aia e vekenogoa vanigira na mumuamui.

Hibru 6:13

Kalina God e tuu na nauana nina veke vania a Abraham, maia e tsarivania, “Au vekevanigo laka sauba kau tabugo, ma kau sauvanigo ke danga na kukuamu.” Ma God e vatsa laka ke manalia na omea aia e vekea. Me gini vatsa tana asana segeni ia, rongona e tagara goto ke kesa ke loki liusigotoa ia e tugua aia ke gini vatsa.

Tuturigana 26:3

Ko totu ieni, minau sauba kau totu kolugo ma kau vangalaka vanigo. Inau sauba kau sauvanigo igoe me vanigira na kukuamu na butona kao popono iani, ma kau manalia na veke au naunogoa vania a Abraham na tamamu.

Tuturigana 24:7

Na Taovia na God ni baragata, aia e adirutsumiau tania na valena tamaqu me tanigotoa niqira kao na kamaqu, aia nogo e vatsa vaniau laka aia sauba ke saua na kao iani vanigira na kukuaqu. Maia sauba ke moloa kesa nina angelo ke idagana sautu vanigo igoe, rongona ko gini adi tauna na dalequ inau i tana.