Luka 1:50 - Ghari

⁵⁰ aia e saua nina galuve vanigira ara kukuni tania, igira sui na vatavata ma na vatavata.

Luka 1:50 Referans Kwoze

Binaboli 20:6

Ma kau sauvulagia niqu galuve vanigira na toga na vatavata igira ara padalokiau inau mara muridougira niqu ketsa.

Tuturigana 17:7

“Inau sauba kau manalia niqu veke au nauvanigo igoe, me vanigira goto na kukuamu kara botsamai i muri vaga na taso saliu. Inau sauba kau lia nimu God igoe, ma niqira God goto igira na kukuamu.

Linge 145:19

Aia e tusule vanigira igira ara kukuni tania na omea sui ara nongia i konina; me rongomia niqira ngangaidato vania me maurisigira.

Linge 118:4

Migira sui goto ara kukuni tania na Taovia kara tsaria, “Nina galuve e totu saviliu.”

Linge 103:11

E loki sosongo nina galuve na Taovia vanigira ara kukuni tania, e loki vaga nogo na aona e tû i lao tana kao me tsaudato i gotu vasau tana masaoka.

Linge 31:19

!Ara dou sosongo rago nomoa na omea dou igoe o mololakâ vanigira ara kukuni tanigo! Na tinoni sui lakalaka ara donaginia laka igoe o dou sosongo, mo reitutugugira dou igira ara norugo.

Linge 115:13

Aia sauba ke vangalaka vanigira sui ara kukuni tania, tû tana tinoni loki me tsau bâ i koniqira na tetelona.

Na Katemai 19:5

Me tangigoto kesa na goko e talumai tana nina sasana na totukae na Taovia me tsaria, “!Kamu tsonikaea nida God igamu sui nina tinoni aqo, migamu na toga sui, na lokina ma na tetelona, igamu sui amu kukuni tania!”

Linge 147:11

Maia e gini mage moa na reiaqira na tinoni ara kukuni tania, migira ara norua nina galuve vo oli.

Linge 85:9

Aia e vangaraunogoa laka ke maurisigira igira ara kukuni tania, maia sauba ke totu kalavata kolugita i laona na verada.

Luka 1:49

tana rongona na omea loki aia God susuliga e nauvaniau. Me tabu loki na asana;

2 Taovia Tsapakae 17:39

Nimui aqo nomoa igamu kamu rongomangaqu inau nimui Taovia ma nimui God, minau sauba kau laumaurisigamu tania na limaqira gamui gala.”