Linge 99:4 - Ghari

⁴ Taovia Tsapakae Susuliga, igoe o reingaoa na omea e goto; migoe nogo o turuvaginia na pedegoto ma na pedelaka i laomami igami na Israel;

Linge 99:4 Referans Kwoze

Linge 11:7

Na Taovia aia e gotolaka me reingaoa na omea e dou me goto; migira ara naudou vaganana ia sauba kara totu sailagi i matana aia.

Na Katemai 19:16

Mi tana polona mi tana bunguna goto ara marea na soa vaga iani: “Niqira Taovia Tsapakae na taovia tsapakae sui, ma niqira Taovia Loki na taovia loki sui.”

Jeremia 23:5

Ma na Taovia e tsarigotoa, “Eo, e varangi nogo ke laba na tagu i tana inau sauba kau vilia kesa na kukuana a David, aia na tinoni dou me gotolaka nina sasaga, ke lia na taovia tsapakae. Maia sauba ke tagao sasaga, me ke naua moa na omea e dou me gotolaka vanigira na tinoni sui.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Nina Papi A Job 37:23

Gana susuliga God e loki sosongo me gini utu vanigita na ba varangisiana; mara gotolaka sui mara mana saikesa pipi sui nina votagoko e nauvanigira na tinoni.

Na Vaolusi Ketsa 10:18

Aia e isutuguqira na baka tinamate ma na daki tinamate. Maia e galuvegira na tinoni ni veratavosi igira ara totu i laoqira nida tinoni, me sauvanigira goto na mutsa ma na polo.

Na Katemai 19:11

Mi muri, mau reia e ova na baragata, mi tana e totu kesa na ose sere. Ma na soana aia e sage i gotuna e vaga iani: A Tukakai ma Mana Saviliu; rongona tana pedemana nogo aia e pedeginigira na tinoni me gini sage tana vailabu.

Iude 1:15

na pedeaqira na tinoni sui, ma na kedeaqira igira sui ara petsakoe vania God mara goko sekoseko loki vania!”

Isaia 61:11

Vaga na kao lakataga e naua me gini dato dou na omea tsukatsuka, ma na uta e gini koli me poko dou, me vaga goto na Taovia God sauba ke suivisugira nina tinoni. Migira na tinoni pipi tana vera sui kara tsonikaeginia.

Isaia 42:4

Me sauba e utu goto ke terevia se ke suga tania nina aqo, poi tsau ke turuvagania na pedegoto tana barangengo. Migira na momoru sui ni mao ao ara amesi sosongolia na rongomiana nina sasani.”

Linge 98:9

rongona aia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.